ഭര്‍ത്താവ് എന്റെ കരിയറിന് എന്നെക്കാള്‍ പ്രാധാന്യം നല്‍കി: മീന

പ്രേക്ഷകര്‍ക്ക് ഏറെ പ്രിയങ്കരിയായ നടിയാണ് മീന. നെഞ്ചങ്ങള്‍ എന്ന തമിഴ് സിനിമയില്‍ ബാലനടിയായി അഭിനയിച്ചാണ് മീന തന്റെ ചലച്ചിത്രജീവിതം തുടങ്ങിയത്. ശിവാജി ഗണേശനായിരുന്നു ഈ ചിത്രത്തിലെ നായകന്‍.

കരിയറില്‍ തിളങ്ങി നില്‍ക്കുന്ന സമയത്തായിരുന്നു താരത്തിന്റെ വിവാഹം. പിന്നാലെ കുഞ്ഞും ജനിച്ചു. എന്നാല്‍ ഇടവേളകളില്‍ എല്ലാം മീന സിനിമയില്‍ അഭിനയിച്ചിരുന്നു. പക്ഷേ അതിലിടയ്ക്കാണ് മീനയ്ക്ക് ഭര്‍ത്താവിനെ നഷ്ടമാകുന്നത്.

ഇപ്പോള്‍ ഭര്‍ത്താവിനെക്കുറിച്ച് താരം പറഞ്ഞ വാക്കുകളാണ് വൈറലായിരിക്കുന്നത്. എന്റെ കരിയറിന് തന്നേക്കാള്‍ പ്രാധാന്യം നല്‍കിയത് ഭര്‍ത്താവാണ് എന്നാണ് മീന പറുന്നത്. ദൃശ്യം എന്ന സിനിമയില്‍ അഭിനയിക്കാന്‍ അദ്ദേഹം എനിക്ക് വളരെയധികം പിന്തുണ നല്‍കി. മകള്‍ നൈനിക അഭിനയിക്കുമ്പോള്‍ പോലും ഞങ്ങള്‍ ആശയക്കുഴപ്പത്തിലായിരുന്നു. എന്നിരുന്നാലും, ഞങ്ങള്‍ അവള്‍ക്കൊരു സിനിമ സമ്മാനിച്ചു എന്നുമാണ് താരം പറയുന്നത്.