വീണ്ടും ഒരു വിവാഹത്തിന് എതിര്‍പ്പില്ല: ആര്യ

ടെലിവിഷന്‍ അവതാരക, അഭിനയേത്രി എന്നീ നിലകളിലെല്ലാം എല്ലാവര്‍ക്കും പ്രിയപ്പെട്ട താരമാണ് ആര്യ ബാബു. ബഡായി ബംഗ്ലാവ് എന്ന ഏഷ്യാനെറ്റിലെ പരിപാടിയാണ് ആര്യയെ കൂടുതല്‍ ശ്രദ്ധേയമാക്കിയത്. പിന്നീട് ആര്യ ബഡായി എന്ന പേരില്‍ അറിയപ്പെടാന്‍ തുടങ്ങി.

മോഡലിംഗിലൂടെയാണ് ആര്യ അഭിനയ രംഗത്തേക്ക് എത്തുന്നത്. ജനപ്രിയ റിയാലിറ്റി ഷോയായ ബിഗ് ബോസ് മലയാളത്തിന്റെ രണ്ടാം പതിപ്പിലെ ഒരു മത്സരാര്‍ത്ഥി കൂടിയായിരുന്നു ആര്യ. താരത്തിന്റെ ബിഗ് ബോസിലെ പ്രകടനവും ഏറെ പ്രശംസ പിടിച്ചു പറ്റിയിരുന്നു.

വിവാഹത്തിനോടും വിവാഹം എന്ന സങ്കല്‍പ്പത്തിനോടും തനിക്ക് എതിര്‍പ്പില്ലെന്നാണ് താരം പറയുന്നത്. നല്ല ഒരു പങ്കാളിയെ കണ്ടെത്തുക എന്നതാണ് പ്രധാനം. അത്തരത്തില്‍ ഒരു പങ്കാളിയെ കണ്ടെത്തിയാല്‍ വീണ്ടും വിവാഹം ചെയ്‌തേക്കാം എന്നും താരം പറയുന്നു.