സിനിമ തനിക്ക് പറ്റുന്ന പണിയല്ലെന്ന് തോന്നിയിട്ടുണ്ട്: മാളവിക മേനോന്‍

ഗ്ലാമറസ് വേഷങ്ങളിലൂടെ ആരാധകര്‍ക്ക് പ്രിയങ്കരിയായി മാറിയ നടിയാണ് മാളവിക മേനോന്‍. 2012 ല്‍ നിദ്രയെന്ന സിനിമയിലൂടെയാണ് മാളവിക അഭിനയ രംഗത്തേക്ക് എത്തുന്നത്. പിന്നീട് തമിഴിലും മലയാളത്തിലുമായി ഒരുപിടി നല്ല സിനിമകളുടെ ഭാഗമായി.

ഞാന്‍ മേരിക്കുട്ടി, ജോസഫ്, പൊറിഞ്ചു മറിയം ജോസ്, മാമാങ്കം തുടങ്ങി നിരവധി ഹിറ്റ് സിനിമകളില്‍ താരം അഭിനയിച്ചിട്ടുണ്ട്.

ചെറുപ്പത്തില്‍ സിനിമയില്‍ അഭിനയിക്കണമെന്ന മോഹം ഉണ്ടായിരുന്നില്ല. സിനിമ കാണാന്‍ ഇഷ്ടമായിരുന്നു. ആദ്യ സിനിമയുടെ ഷൂട്ടിംഗ് കഴിഞ്ഞപ്പോള്‍ സിനിമ തനിക്ക് പറ്റിയ പണിയല്ലെന്ന് മനസിലാക്കിയിരുന്നു. ഇനി മേഖലയിലേക്ക് വരില്ലെന്നും ഉറപ്പിച്ചിരുന്നു. എന്നാല്‍ പിന്നീട് താന്‍ തീരുമാനം മാറ്റുകയായിരുന്നു എന്നും താരം പറയുന്നു.