അമല പോളിന് ഒന്‍പതാം മാസം; അമ്മയാകുന്ന സന്തോഷത്തില്‍ ആടി തിമിര്‍ത്ത് താരം (വീഡിയോ)

അമ്മയാകാനുള്ള കാത്തിരിപ്പ് അവസാനിക്കാന്‍ പോകുന്നതിന്റെ സന്തോഷത്തിലാണ് നടി അമല പോള്‍. ഇപ്പോള്‍ ഒന്‍പതാം മാസത്തിലേക്ക് കടന്നിരിക്കുകയാണ് താരം. ഇതിന്റെ ചിത്രങ്ങളും വീഡിയോയും അമല പങ്കുവെച്ചിട്ടുണ്ട്. ഗര്‍ഭകാലത്തിന്റെ അവസാന ഘട്ടത്തിലേക്ക് കടന്നിരിക്കുകയാണെന്ന് താരം ഇന്‍സ്റ്റഗ്രാമിലൂടെ അറിയിച്ചു.

നിറവയറില്‍ ഡാന്‍സും പാട്ടുമായി ആഘോഷിക്കുന്ന അമലയെ വീഡിയോയില്‍ കാണാം. ആരാധകരുടെ സ്‌നേഹത്തിനും ആശംസകള്‍ക്കും താരം നന്ദി പറഞ്ഞു.

ഏഴാം മാസത്തില്‍ അമല ബേബി ഷവര്‍ നടത്തിയിരുന്നു. ഇതിന്റെ വീഡിയോ സോഷ്യല്‍ മീഡിയയില്‍ വൈറലായിരുന്നു. ഗുജറാത്ത് സ്വദേശിയായ ജഗത് ദേശായിയാണ് അമലയുടെ ജീവിതപങ്കാളി. ബ്ലെസി സംവിധാനം ചെയ്ത ആടുജീവിതത്തിലാണ് അമല പോള്‍ അവസാനമായി അഭിനയിച്ചത്.