കുഞ്ഞിനെ എടുക്കാറുണ്ട്, പക്ഷേ എടുത്ത് നടക്കാനാകില്ല: പക്രു

മിമിക്രി വേദികളിലൂടെ മലയാളികള്‍ക്ക് ഏറെ പ്രിയങ്കരനായ നടനാണ് ഗിന്നസ് പക്രു. സിനിമകളിലൂടെയും സ്റ്റേജിലും താരം മലയാളികളെ എന്നും കുടുകുടാ ചിരിപ്പിച്ചു. ജീവിതത്തില്‍ ഒരുപാട് കഷ്ടപ്പാടുകള്‍ താരത്തിന് അനുഭവിക്കേണ്ടി വന്നിട്ടുണ്ട്.

അത്ഭുതദ്വീപ് എന്ന സിനിയാണ് ഗിന്നസ് പക്രുവിന് വലിയ ബ്രേക്ക് നല്‍കിയത്. പൊക്കമില്ലാതിരുന്നിട്ടും അതിലൂടെ നായകന്റെ തുല്യ പ്രധാന്യമുള്ള വേഷം ചെയ്യാന്‍ താരത്തിന് സാധിച്ചു.

താരത്തിന് കഴിഞ്ഞ വര്‍ഷമാണ് ഒരു കുഞ്ഞ് കൂടി ജനിച്ചത്. ഇപ്പോള്‍ കുഞ്ഞിനെക്കുറിച്ച് പറയുകയാണ് താരം. മകളെ എനിക്ക് എടുക്കാന്‍ സാധിക്കും. എന്നാല്‍ എടുത്ത് നടക്കാന്‍ സാധിക്കില്ല. ആരെങ്കിലും എടുത്ത് കയ്യില്‍ തന്നാല്‍ ഇരിക്കാന്‍ സാധിക്കും എന്നും താരം പറയുന്നു.