തനിക്ക് ഗേള്‍ഫ്രണ്ട് ഇല്ലാത്തത്തിന്റെ കാരണം ഗ്ലാമര്‍ ഇല്ലായ്മ: സന്തോഷ് വര്‍ക്കി

മോഹന്‍ലാല്‍ ആറാടുകയാണ് എന്ന ഒരൊറ്റ കമന്റ് കൊണ്ട് ട്രോളുകളില്‍ നിറഞ്ഞയാളാണ് സന്തോഷ് വര്‍ക്കി. പിന്നാലെ തനിക്ക് നിത്യ മേനോനെ ഇഷ്ടമാണെന്നും കല്യാണ് കഴിക്കണം എന്നു പറഞ്ഞും സന്തോഷ് വര്‍ക്കി രംഗത്ത് എത്തിയിരുന്നു.

സന്തോഷ് വര്‍ക്കിയെന്ന ആള്‍ നിരന്തരം ഇഷ്ടം പറഞ്ഞ് ശല്യപ്പെടുത്തുകയാണെന്ന് പറഞ്ഞ് നിത്യ മേനോന്‍ രംഗത്ത് വരികയും ചെയ്തിരുന്നു. ഇതോടെ കൂടുതല്‍ നടിമാരെ ഇഷ്ടമാണെന്നും സന്തോഷ് പറഞ്ഞു. പിന്നീട് സോഷ്യല്‍ മീഡിയയില്‍ പരിഹാസങ്ങളും കളിയാക്കലുകളുമൊക്കെയാണ് വൈറല്‍ താരത്തെ കാത്തിരുന്നത്.

ഇപ്പോള്‍ തനിക്ക് ഒരു ഗേള്‍ഫ്രണ്ട് ഇല്ലാത്തതിന്റെ സങ്കടം പറയുകയാണ് താരം. ഗ്ലാമര്‍ ഇല്ലാത്തതുകൊണ്ടായിരിക്കണം തനിക്ക് ഗേള്‍ ഫ്രണ്ടിനെ കിട്ടാത്തത്. ബുദ്ധിയും നല്ല മനസുമാണ് ആളുകള്‍ നോക്കുന്നതെങ്കില്‍ എനിക്ക് എപ്പോഴെ പെണ്ണ് കിട്ടിയേനെ. ഞാന്‍ സ്ത്രീലംബടനല്ല. ഞാന്‍ കാമത്തോടെയല്ല സ്‌നേഹിക്കുന്നത് എന്നും സന്തോഷം വര്‍ക്കി പറഞ്ഞു.