നെഗറ്റീവ് റിവ്യൂസില്‍ തളരില്ല; രണ്‍ബീറിന്റെ അനിമല്‍ എത്ര കോടി നേടിയെന്നോ?

സന്ദീപ് റെഡ്ഡി വങ്കയുടെ അനിമല്‍ ബോക്‌സ്ഓഫീസില്‍ കോടികള്‍ കൊയ്തു മുന്നോട്ട്. രണ്‍ബീര്‍ കപൂറും രശ്മിക മന്ദാനയും കേന്ദ്ര കഥാപാത്രങ്ങളെ അവതരിപ്പിച്ച ചിത്രം പത്ത് ദിവസം കൊണ്ട് 400 കോടി നേടിയെന്നാണ് വിവരം. സ്‌കാനിക് സൈറ്റിന്റെ റിപ്പോര്‍ട്ട് അനുസരിച്ച് 432.27 കോടിയാണ് ചിത്രം ഇതുവരെ നേടിയത്.

ആദ്യ ആഴ്ചയില്‍ മാത്രം 338.63 കോടിയാണ് ചിത്രം കളക്ട് ചെയ്തതെന്ന് ബോളിവുഡ് ട്രേഡ് അനലിസ്റ്റായ തരണ്‍ ആദര്‍ശ് റിപ്പോര്‍ട്ട് ചെയ്തിരുന്നു. ഹിന്ദി പതിപ്പ് 300 കോടിയിലേറെ ഇതുവരെ കളക്ട് ചെയ്തു. ദക്ഷിണേന്ത്യയിലും ചിത്രത്തിനു മികച്ച ബോക്‌സ്ഓഫീസ് പ്രതികരണങ്ങള്‍ ലഭിക്കുന്നുണ്ട്. ചിത്രം ഉടന്‍ 500 കോടി കടക്കുമെന്നാണ് വിവരം.

ബോബി ദിയോള്‍, അനില്‍ കപൂര്‍, ശക്തി കപൂര്‍ തുടങ്ങി നിരവധി പ്രമുഖ താരങ്ങള്‍ അനിമലില്‍ അഭിനയിച്ചിട്ടുണ്ട്. ചിത്രത്തിനു ആദ്യ ദിനങ്ങളില്‍ പരക്കെ വിമര്‍ശനങ്ങള്‍ കേട്ടെങ്കിലും ബോക്‌സ്ഓഫീസില്‍ വിജയക്കുതിപ്പ് തുടരുകയാണ്.