അഞ്ച് പൈസപോലും കിട്ടാതെയാണ് പലപ്പോഴും അഭിനയിച്ചത്: സാധിക

മലയാളികള്‍ക്ക് ഏറെ പ്രിയങ്കരിയായ നടിയാണ് സാധിക വേണുഗോപാല്‍. ഹ്രസ്വ ചിത്രങ്ങളിലൂടെയും ടെലിവിഷന്‍ സീരിയല്‍, റിയാലിറ്റി ഷോകളിലൂടെയും ആ സ്ഥാനമുറപ്പിക്കാനും താരത്തിന് സാധിച്ചു. മോഡേണ്‍ വേഷങ്ങള്‍ ഇഷ്ടപ്പെടുന്ന താരമാണ് സാധിക.

ഓര്‍ക്കുട്ട് ഒരു ഓര്‍മക്കൂട്ട് എന്ന സിനിമയിലൂടെയാണ് സാധിക വേണുഗോപാല്‍ സിനിമാഭിനയം തുടങ്ങുന്നത്. കലികാലം, എം എല്‍ എ മണി പത്താം ക്ലാസും ഗുസ്തിയും, ബ്രേക്കിംഗ് ന്യൂസ് തുടങ്ങിയ ചിത്രങ്ങളില്‍ വേഷമിട്ടിട്ടുണ്ട്.

ഇപ്പോള്‍ മറ്റുള്ളവരുടെ ചിന്താഗതിയെക്കുറിച്ച് പറയുകയാണ് താരം. സിനിമയില്‍ നിന്ന് കോടികള്‍ സമ്പാദിച്ചു എന്നാണ് പലരും കരുതുന്നത്. എന്നാല്‍ ഒരിക്കലും അല്ല. അഞ്ച് പൈസ പോസും കിട്ടാതെ അഭിനയിച്ചിട്ടുണ്ട്. ഒരു കഥാപാത്രം കിട്ടിക്കോട്ടെ എന്ന് കരുതിയാണ് അറിയുന്ന ആളുകള്‍ വിളിക്കുമ്പോള്‍ അഭിനയിക്കാമെന്ന് പറയുന്നത് എന്നും സാധിക പറയുന്നു.