തെന്നിന്ത്യയിൽ വലിയ ആരാധക പിന്തുണയുള്ള നായക നടന്മാരിൽ ഒരാളാണ് ദളപതി വിജയ്. പ്രത്യേകിച്ച് കേരളത്തിലും തമിഴ്നാട്ടിലും. ലോകേഷ് കനകരാജ് സംവിധാനം ചെയ്ത് ഏറ്റവും ഒടുവിൽ റിലീസായ ലിയോയും ബോക്സ് ഓഫീസിൽ ഹിറ്റടിച്ചിരിക്കുകയാണ്. തൊട്ടുപിന്നാലെ ആരാധകരെ ആവേശത്തിലാക്കുകയാണ് പ്രഭുദേവയുടെ വാക്കുകൾ. പിതാവിന് പിന്നാലെ വിജയുടെ മകന്‍ ജെയ്‌സണ്‍ സഞ്ജയും സിനിമയിലേക്ക് തന്നെ ചുവടുറപ്പിക്കാനുള്ള തീരുമാനത്തിലാണ്.
സംവിധായകനാകാനാണ് ജെയ്സന് താൽപര്യം. കന്നട സിനിമയില്‍ നിന്നും സംവിധാനം പഠിച്ച ജെയ്‌സണ്‍ വൈകാതെ തന്റെ സിനിമ പ്രഖ്യാപിക്കുമെന്നാണ് റിപ്പോര്‍ട്ടുകള്‍. ഇതിന്റെ ഭാഗമായി പ്രശസ്ത നിര്‍മാണ കമ്പനിയായ ലെയ്ക്കയുമായി ബന്ധം സ്ഥാപിച്ചുവെന്നും റിപ്പോർട്ടുകളുണ്ട്. ഇത് ശരിവെക്കുകയാണ് നടനും നര്‍ത്തകനും കൊറിയോഗ്രാഫറുമൊക്കെയായ പ്രഭുദേവ.
‘ജെയ്‌സണ്‍ സഞ്ജയ് ഇപ്പോള്‍ ഒരു സിനിമ ചെയ്യാന്‍ പോവുകയാണ്. വിജയിയെ വെച്ച് ഞാനൊരു സിനിമ സംവിധാനം ചെയ്തു. ഇപ്പോള്‍ അദ്ദേഹത്തിന്റെ മകന്‍ സംവിധാനം ചെയ്യുകയാണ്. ജീവിതം എങ്ങനെ മാറുന്നുവെന്ന് നോക്കൂ. ഞാന്‍ വളരെ സന്തോഷവാനാണ്, അവന്റെ അച്ഛന്‍ വിജയ് എത്ര സന്തോഷവാനായിരിക്കുമെന്ന് നോക്കൂ’, പ്രഭുദേവ പറഞ്ഞു.
തെന്നിന്ത്യന്‍ സിനിമ ലോകത്ത് ഇതിനോടകം തന്നെ ശക്തമായ…
ഇന്ത്യയില്‍ ഏറ്റവും കൂടുതല്‍ പ്രതിഫലം വാങ്ങുന്ന താരങ്ങളുടെ…
ബോളിവുഡ് താരം അദിതി റാവു ഹൈദരിയും സിദ്ധാര്‍ത്ഥും…
ഹേമ കമ്മിറ്റി റിപ്പോര്‍ട്ടുമായി ബന്ധപ്പെട്ട് സ്വകാര്യ മൊഴികള്‍…
തന്റെ വിവാഹ വാര്‍ത്തകളോട് പ്രതികരിച്ച് നടി നിഖില…
ആരാധകര്‍ക്കായി മനോഹര ചിത്രങ്ങള്‍ പങ്കുവെച്ച് ആര്യ. ഇന്‍സ്റ്റഗ്രാമിലാണ്…