അയാള്‍ കാരണം തനിക്ക് അവസരങ്ങള്‍ നഷ്ടമായി; മനസ് തുറന്ന് ജാനകി സുധീര്‍

വളരെ ബോള്‍ഡ് ആയുള്ള ഫോട്ടോഷൂട്ടുകളിലൂടെ ശ്രദ്ധിക്കപ്പെട്ട മോഡലാണ് ജാനകി സുധീര്‍. ബിഗ് ബോസ് മലയാളം സീസണ്‍ 4 ലെ മത്സരാര്‍ഥിയായിരുന്നു ജാനകി. ഒരാഴ്ച മാത്രമേ ബിഗ് ബോസില്‍ വീട്ടില്‍ ഉണ്ടായിരുന്നുള്ളൂവെങ്കിലും ജാനകി ആരാധകര്‍ക്ക് പ്രിയപ്പെട്ട താരമാണ്.

ഹോളി വൂഡ്, വില്ല 666 എന്നീ ഷോര്‍ട്ട് ഫിലിമുകളില്‍ ഞെട്ടിക്കുന്ന പ്രകടനമാണ് ജാനകി നടത്തിയത്. അതീവ ചൂടന്‍ ലുക്കിലാണ് രണ്ട് ചിത്രങ്ങളിലും താരം പ്രത്യക്ഷപ്പെട്ടിരിക്കുന്നത്.

ഇപ്പോഴിതാ തനിക്ക് നേരിടേണ്ടി വന്നൊരു ചതിയെക്കുറിച്ച് മനസ് തുറക്കുകയാണ് ജാനകി സുധീര്‍. തന്നെ കൂടെ നിന്ന് ചതിച്ച സുഹൃത്തിനെക്കുറിച്ചാണ് ജാനകി സംസാരിക്കുന്നത്. ഒരു സീരിയല്‍ ചെയ്യുന്ന സമയത്ത് അതിലെ സാറിന്റെ അസിസ്റ്റന്റായാണ് അയാള്‍ വന്നത്. പുള്ളി വഴി മറ്റൊരു പ്രോജക്ട് കിട്ടി. അതിനായി വണ്ണം കുറച്ചു. എന്നാല്‍ തന്നെ അതില്‍ നിന്നും ഒഴിവാക്കി. ഇതോടെ തന്റെ മറ്റ് അവസരങ്ങളും ഇല്ലാതായി എന്നാണ് താരം പറയുന്നത്.