Categories: latest news

വിഷമങ്ങള്‍ ആരോടും പങ്കുവെയ്ക്കാതെ അപര്‍ണ യാത്രയായി; നടിയുടെ ആത്മഹത്യയില്‍ ഞെട്ടി സിനിമാലോകം

സിനിമ-സീരിയല്‍ താരം അപര്‍ണ നായരുടെ മരണം സഹപ്രവര്‍ത്തകരേയും പ്രേക്ഷകരേയും നടുക്കിയിരിക്കുകയാണ്. ഇന്നലെ രാത്രി തിരുവനന്തപുരത്തെ വീട്ടില്‍ തൂങ്ങി മരിച്ച നിലയിലാണ് അപര്‍ണയെ കണ്ടെത്തിയത്. ആശുപത്രിയില്‍ എത്തിച്ചപ്പോഴേക്കും മരണം സംഭവിച്ചിരുന്നു. മരണത്തിനു തൊട്ടുമുന്‍പ് അപര്‍ണ ഇന്‍സ്റ്റഗ്രാമില്‍ പോസ്റ്റ് ചെയ്ത വരികളാണ് ഇപ്പോള്‍ സോഷ്യല്‍ മീഡിയയില്‍ വൈറലായിരിക്കുന്നത്. മനസില്‍ വലിയൊരു വിഷമം താരത്തിനു ഉണ്ടായിരുന്നു എന്ന് സൂചിപ്പിക്കുന്നതാണ് ഈ പോസ്റ്റിലെ വരികള്‍.

‘ ഒരുപാട് ദേഷ്യപ്പെടുന്നവളാകാം, ഒരുപാട് വാശിയുള്ളവളാകാം. എപ്പോഴും ചിരിച്ചുകൊണ്ട് നടക്കുന്നവളാകാം. എന്നാല്‍ ശരിക്കുമുള്ള അവള്‍ രാത്രിയുടെ നിശബ്ദതയില്‍ മുഖമമര്‍ത്തി പൊട്ടിക്കരയുന്നവളാണ്. ഒരുപാട് സങ്കടങ്ങള്‍ ഉള്ളിലൊതുക്കി സ്വന്തമായി ആശ്വസിക്കുന്നവളാണ്. ഒരുപാട് പ്രതീക്ഷയില്‍ ജീവിതം മുന്നോട്ടു കൊണ്ടുപോകുന്നവളാണ്. കുറ്റപ്പെടുത്തുമ്പോഴും അടിച്ചമര്‍ത്തുമ്പോഴും നിങ്ങളൊന്ന് ഓര്‍ക്കുക, അവളുടെ മാറ്റത്തിനു കാരണം നിങ്ങളൊരുക്കിയ സാഹചര്യങ്ങളാണ്,’ എന്നാണ് തന്റെ ചിത്രങ്ങള്‍ക്കൊപ്പം അപര്‍ണ നല്‍കിയിരിക്കുന്ന വരികള്‍.

ഇന്‍സ്റ്റഗ്രാമില്‍ സജീവ സാന്നിധ്യമായിരുന്നു അപര്‍ണ. തന്റെ കുടുംബ വിശേഷങ്ങളെല്ലാം താരം പ്രേക്ഷകരുമായി പങ്കുവെയ്ക്കാറുണ്ട്. ‘എന്റെ ഉണ്ണി കളി പെണ്ണ്’ എന്ന അടിക്കുറിപ്പോടെ മകളുടെ ചിത്രമാണ് അപര്‍ണ അവസാനമായി പങ്കുവെച്ചിരിക്കുന്ന മറ്റൊരു പോസ്റ്റ്.

കരമന തളിയലെ വീട്ടിലാണ് നടിയെ മരിച്ച നിലയില്‍ കണ്ടെത്തിയത്. മൃതദേഹം പി.ആര്‍.എസ്. ആശുപത്രിയിലേക്ക് മാറ്റി. അസ്വാഭാവിക മരണത്തിനു പൊലീസ് കേസെടുത്തു. ഇന്നലെ വൈകിട്ട് ഏഴരയോടെയാണ് അപര്‍ണയെ മരിച്ച നിലയില്‍ കണ്ടെത്തിയത്. ഉടനെ ആശുപത്രിയില്‍ എത്തിച്ചെങ്കിലും നേരത്തെ മരണം സംഭവിച്ചിരുന്നു.

സംഭവ സമയത്ത് അപര്‍ണയുടെ അമ്മയും സഹോദരിയും വീട്ടില്‍ ഉണ്ടായിരുന്നെന്നാണ് വിവരം. കരമന പൊലീസാണ് സംഭവത്തില്‍ അന്വേഷണം നടത്തുന്നത്.

മേഘതീര്‍ഥം, മുദ്ദുഗൗ, അച്ചായന്‍സ്, കോടതി സമക്ഷം ബാലന്‍ വക്കീല്‍, കല്‍ക്കി തുടങ്ങിയ സിനിമകളിലും ചന്ദനമഴ, ആത്മസഖി, മൈഥിലി വീണ്ടും വരുന്നു, ദേവസ്പര്‍ശം തുടങ്ങിയ സീരിയലുകളിലും താരം അഭിനയിച്ചിട്ടുണ്ട്.

അനില മൂര്‍ത്തി

Recent Posts

കിടിലന്‍ ലുക്കുമായി അനിഖ

കിടിലന്‍ ലുക്കില്‍ ആരാധകര്‍ക്കായി ചിത്രങ്ങള്‍ പങ്കുവെതച്ച് അനിഖ…

16 hours ago

തനിക്ക് ഒരുപാട് പണം ചിലവായി; റിയാലിറ്റി ഷോയില്‍ പങ്കെടുത്തതിനെക്കുറിച്ച് സാനിയ

ആരാധകര്‍ക്ക് ഏറെ പ്രിയങ്കരിയായ നടിയാണ് സാനിയ അയ്യപ്പന്‍.…

16 hours ago

വ്‌ളോഗിംഗ് അത്ര ഏളുപ്പമുള്ള പണിയല്ല: ആലീസ് ക്രിസ്റ്റി

സീരീയലിലൂടെ ആരാധകര്‍ക്ക് ഏറെ പ്രിയങ്കരിയായ നടിയാണ് ആലീസ്…

17 hours ago

മിമിക്രി തുടങ്ങിയത് നായയെ അനുകരിച്ച്: രമേഷ് പിഷാരടി

തമാശകള്‍ പറഞ്ഞ് മലയാളികളെ കുടുകുടാ ചിരിപ്പിക്കുന്ന താരമാണ്…

17 hours ago

എന്റ ഭാര്യയാണ് ലോകത്തിലെ ഏറ്റവും സുന്ദരി: ബാല

ആരാധകര്‍ക്ക് ഏറെ പ്രിയങ്കരനായ നടനാണ് ബാല. കരള്‍…

17 hours ago

കുഞ്ഞ് വയറ്റില്‍ കിടന്ന് നന്നായി ചവിട്ടുന്നുണ്ട്: ദിയ

സോഷ്യല്‍ മീഡിയയില്‍ ഏവര്‍ക്കും പ്രിയങ്കരിയായ താരമാണ് ദിയ…

17 hours ago