കൊത്തയുടെ രാജാവായി ദുല്‍ഖര്‍; ടീസര്‍ റിലീസ് ചെയ്ത് മമ്മൂട്ടി (വീഡിയോ)

ആരാധകര്‍ ഏറെ പ്രതീക്ഷകളോടെ കാത്തിരിക്കുന്ന ദുല്‍ഖര്‍ സല്‍മാന്‍ ചിത്രം കിങ് ഓഫ് കൊത്തയുടെ ടീസര്‍ റിലീസ് ചെയ്തു. മെഗാസ്റ്റാര്‍ മമ്മൂട്ടിയാണ് തന്റെ ഫെയ്‌സ്ബുക്ക് പേജിലൂടെ ടീസര്‍ പുറത്തിറക്കിയത്. റിലീസ് ചെയ്ത് ഒരു മണിക്കൂര്‍ നേരം കൊണ്ട് ആറ് ലക്ഷത്തോളം പേരാണ് യുട്യൂബില്‍ കിങ് ഓഫ് കൊത്തയുടെ ടീസര്‍ കണ്ടത്. ദുല്‍ഖറിന്റെ മാസ് ലുക്ക് തന്നെയാണ് ടീസറിന്റെ ശ്രദ്ധാകേന്ദ്രം.

അഭിലാഷ് ജോഷിയാണ് ചിത്രം സംവിധാനം ചെയ്തിരിക്കുന്നത്. മലയാളം, തമിഴ്, തെലുങ്ക്, ഹിന്ദി, കന്നഡ എന്നിങ്ങനെ അഞ്ച് ഭാഷകളിലായാണ് ചിത്രം റിലീസ് ചെയ്യുക. അഭിലാഷ് എന്‍ ചന്ദ്രന്റേതാണ് തിരക്കഥ. ഛായാഗ്രഹണം നിമിഷ് രവി. സംഗീതം ജേക്‌സ് ബിജോയ്.

ദുല്‍ഖര്‍ സല്‍മാന്‍, ഐശ്വര്യ ലക്ഷ്മി, നൈല ഉഷ, ചെമ്പന്‍ വിനോദ്, ഗോകുല്‍ സുരേഷ്, ഷമ്മി തിലകന്‍, അനിഖ സുരേന്ദ്രന്‍ എന്നിവരാണ് ചിത്രത്തില്‍ പ്രധാന വേഷങ്ങള്‍ അവതരിപ്പിക്കുന്നത്.