പ്രമുഖ തെന്നിന്ത്യന് നടന് ആശിഷ് വിദ്യാര്ഥിയുടെ രണ്ടാം വിവാഹത്തിന്റെ വിശേഷങ്ങളാണ് സോഷ്യല് മീഡിയയില് നിറഞ്ഞിരിക്കുന്നത്. അസമില് നിന്നുള്ള രുപാലി ബറുവയെയാണ് ആശിഷ് വിവാഹം കഴിച്ചത്. ദേശീയ അവാര്ഡ് ജേതാവായ ആശിഷിന്റെ രണ്ടാം വിവാഹമാണ് ഇത്. താരത്തിനു ഇപ്പോള് 60 വയസ്സാണ് പ്രായം. ആശിഷിന്റെയും രുപാലിയുടെയും വളരെ അടുത്ത ബന്ധുക്കളും സുഹൃത്തുക്കളും മാത്രമാണ് വിവാഹ ചടങ്ങില് പങ്കെടുത്തത്. വിവാഹ ചിത്രങ്ങള് സോഷ്യല് മീഡിയയില് വൈറലായിട്ടുണ്ട്. ഇരുവരും ചേര്ന്ന് അടുത്ത സുഹൃത്തുക്കള്ക്ക് വിവാഹ വിരുന്ന് ഒരുക്കിയിരുന്നു.
കൊല്ക്കത്തയില് ഫാഷന് സ്റ്റോര് നടത്തുകയാണ് സംരഭകയായ രുപാലി. തങ്ങള് ഇരുവരും പരിചയപ്പെട്ടതും ജീവിതത്തില് ഒന്നിച്ചതും വലിയ കഥയാണെന്നും അത് പിന്നീടൊരു അവസരത്തില് വെളിപ്പെടുത്താമെന്നും ആശിഷ് വിദ്യാര്ഥി മാധ്യമങ്ങളോട് പ്രതികരിച്ചിരുന്നു. ജീവിതത്തില് ആശിഷ് വളരെ നല്ലൊരു മനുഷ്യനാണെന്നും അതുകൊണ്ടാണ് താന് അദ്ദേഹവുമായി അടുത്തതെന്നും രുപാലി പറഞ്ഞു. കൊല്ക്കത്തയില് വെച്ചാണ് ഇരുവരും പരിചയപ്പെടുന്നത്. പിന്നീട് ഫോണ് നമ്പറുകള് കൈമാറുകയായിരുന്നു. സൗഹൃദം പ്രണയമായതിനു ശേഷമാണ് ഇരുവരും ഒന്നിച്ച് ജീവിക്കാമെന്ന തീരുമാനത്തിലേക്ക് എത്തുന്നത്.
നടി ശകുന്തള ബറുവയുടെ മകള് രാജോഷി ബറുവയെയാണ് ആശിഷ് ആദ്യം വിവാഹം കഴിച്ചത്. ഈ ബന്ധത്തില് ആശിഷിന് ഒരു മകനുണ്ട്.
സോഷ്യല് മീഡിയ പോസ്റ്റുകളെക്കുറിച്ചുള്ള മാധ്യമ പ്രവര്ത്തകരുടെ ചോദ്യങ്ങള്ക്ക്…
മലയാളി പ്രേക്ഷകരുടെയും തമിഴ് സിനിമാ പ്രേമികളുടെയും പ്രിയതാരമായ…
sxഎല്ലാവരും ഓണാഘോഷത്തിന് തയ്യാറായി കഴിഞ്ഞു. ഓണം സ്പെഷ്യല്…