ജ്യോതികയും മമ്മൂട്ടിയും ഒന്നിക്കുന്ന കാതലിന്റെ സെക്കന്റ് ലുക്ക് പോസ്റ്റര്‍; ചിത്രം എന്ന് റിലീസ് ചെയ്യും?

മമ്മൂട്ടി ആരാധകര്‍ ഏറെ പ്രതീക്ഷയോടെ കാത്തിരിക്കുന്ന ചിത്രമാണ് കാതല്‍. ദ ഗ്രേറ്റ് ഇന്ത്യന്‍ കിച്ചണ്‍ എന്ന ചിത്രത്തിലൂടെ ശ്രദ്ധേയനായ ജിയോ ബേബിയാണ് ചിത്രം സംവിധാനം ചെയ്യുന്നത്. ജ്യോതികയാണ് ചിത്രത്തില്‍ നായിക.

കാതലിന്റെ സെക്കന്റ് ലുക്ക് പോസ്റ്ററാണ് ഇപ്പോള്‍ സോഷ്യല്‍ മീഡിയയില്‍ ശ്രദ്ധിക്കപ്പെട്ടിരിക്കുന്നത്. മമ്മൂട്ടിയേയും ജ്യോതികയേയും സെക്കന്റ് ലുക്ക് പോസ്റ്ററില്‍ കാണാം. ജൂണ്‍ അവസാനത്തോടെയോ ജൂലൈ ആദ്യ വാരത്തിലോ ചിത്രം റിലീസ് ചെയ്യാനാണ് അണിയറ പ്രവര്‍ത്തകര്‍ ആലോചിക്കുന്നത്.

മാത്യു ദേവസി എന്ന കഥാപാത്രത്തെയാണ് മമ്മൂട്ടി ചിത്രത്തില്‍ അവതരിപ്പിക്കുന്നത്. മമ്മൂട്ടി കമ്പനി നിര്‍മ്മിക്കുന്ന മൂന്നാമത്തെ ചിത്രമാണ് കാതല്‍. ആദര്‍ശ് സുകുമാരന്‍, പോള്‍സണ്‍ സക്കറിയ എന്നിവര്‍ ചേര്‍ന്നാണ് തിരക്കഥ ഒരുക്കിയിരിക്കുന്നത്. ദുല്‍ഖര്‍ സല്‍മാന്റെ വേഫേറെര്‍ ഫിലിംസ് സിനിമ വിതരണത്തിന് എത്തിക്കുന്നത്. സാലു കെ. തോമസ് ഛായാഗ്രഹണവും ഫ്രാന്‍സിസ് ലൂയിസ് എഡിറ്റിങ്ങും നിര്‍വഹിക്കുന്നു. സംഗീതം: മാത്യൂസ് പുളിക്കന്‍, ഗാനരചന : അന്‍വര്‍ അലി, ജാക്വിലിന്‍ മാത്യു.