അമ്മ റോളില്‍ നയന്‍സിന് പത്തില്‍ പത്ത് നല്‍കി വിഘ്‌നേഷ്

പ്രേക്ഷകര്‍ക്ക് ഏറെ പ്രിയങ്കരിയായ നടിയാണ് നയന്‍താര. തെന്നന്ത്യയിലെ എല്ലാ സൂപ്പര്‍സ്റ്റാരുകള്‍ക്ക് ഒപ്പവും അഭിനയിക്കാന്‍ താരത്തിന് സാധിച്ചിട്ടുണ്ട്. കണക്ട് ആണ് നയന്‍താരയുടെ ഒടുവില്‍ തിയറ്ററില്‍ എത്തിയിരിക്കുന്ന സിനിമ.

ഈ വര്‍ഷമായിരുന്നു നയന്‍താരയും വിഷ്‌നേഷ് ശിവനും തമ്മിലുള്ള വിവാഹം. അടുത്തിടെ സറോഗസിയിലൂടെ ഇവര്‍ക്ക് രണ്ട് ആണ്‍കുഞ്ഞുങ്ങള്‍ പിറക്കുകയും ചെയ്തിരുന്നു.

ഇപ്പോള്‍ നയന്‍താര എന്ന അമ്മയെക്കുറിച്ച് സംസാരിക്കുകയാണ് വിഘ്‌നേഷ് ശിവന്‍.. മാതൃദിനത്തിലാണ് അദ്ദേഹത്തിന്റെ കുറിപ്പ്. ഒരമ്മയെന്ന നിലയില്‍ പത്തില്‍ പത്താണ് നിനക്ക്. നിന്നെ അങ്ങേയറ്റം സ്‌നേഹിക്കുന്നു..എന്റെ തങ്കമേ..നിന്റെ ആദ്യ മാതൃദിനം. ഞങ്ങള്‍ക്ക് ഒരു സ്വപ്ന സാക്ഷാത്കാരം എന്നാണ് അദ്ദേഹം കുറിച്ചിരിക്കുന്നത്.