പാറക്കെട്ടുകള്‍ക്കിടയില്‍ നിന്ന് വെള്ളത്തിലേക്ക് ചാടി അമല പോള്‍; സാഹസികത കൂടിപ്പോയെന്ന് ആരാധകര്‍, വീഡിയോ

സാഹസിക വീഡിയോ പങ്കുവെച്ച് നടി അമല പോള്‍. വെള്ളച്ചാട്ടത്തിനരികിലെ കൂറ്റന്‍ പാറക്കെട്ടുകളില്‍ അള്ളിപ്പിടിച്ചു കയറി കുതിച്ചു ചാടുന്ന അമല പോളിനെയാണ് വീഡിയോയില്‍ കാണുന്നത്. ഇന്‍സ്റ്റഗ്രാമിലാണ് താരം വീഡിയോ പങ്കുവെച്ചിരിക്കുന്നത്.

വെള്ളച്ചാട്ടത്തിനിടയിലൂടെ ഊഞ്ഞാലുകെട്ടി ആടിയും അടിച്ചുപൊളിക്കുകയാണ് അമല. ബാലിയില്‍ നിന്നുള്ള വിഡിയോയാണ് നടി പങ്കുവച്ചിരിക്കുന്നത്. ‘ഇത് അപകടകരമാണെന്നും അമലയെ സമ്മതിച്ചുകൊടുത്തു എന്നൊക്കയാണ് ആരാധകരുടെ കമന്റുകള്‍.

മമ്മൂട്ടി നായകനായ ക്രിസ്റ്റഫറിലാണ് അമല ഏറ്റവും ഒടുവിലായി അഭിനയിച്ചത്. ചിത്രം തിയറ്ററുകളില്‍ പരാജയപ്പെട്ടെങ്കിലും അമലയുടെ പൊലീസ് വേഷം ഏറെ ശ്രദ്ധിക്കപ്പെട്ടു.