മകന്റെ പേര് വെളിപ്പെടുത്തി നരെയ്ന്‍; കുടുംബചിത്രം

മകന്റെ പേരിടല്‍ ചടങ്ങിന്റെ ചിത്രങ്ങള്‍ പങ്കുവെച്ച് നടന്‍ നരെയ്ന്‍. പൊന്നോമനയ്ക്ക് കാതില്‍ പേരു ചൊല്ലുന്ന ചിത്രമാണ് താരം പങ്കുവെച്ചിരിക്കുന്നത്. ഓംകാര്‍ നരെയ്ന്‍ എന്നാണ് മകന്റെ പേര്.

ഭാര്യയ്ക്കും മക്കള്‍ക്കും ഒപ്പമുള്ള കുടുംബചിത്രവും നരെയ്ന്‍ പങ്കുവെച്ചു. തന്റെ 15-ാം വിവാഹവാര്‍ഷിക വേളയിലാണ് വീണ്ടും അച്ഛനാകാന്‍ പോകുന്ന സന്തോഷവാര്‍ത്ത നരെയ്ന്‍ സോഷ്യല്‍ മീഡിയയിലൂടെ അറിയിച്ചത്.

മഞ്ജു ഹരിദാസ് ആണ് നരെയ്ന്റെ ജീവിതപങ്കാളി. ഇരുവര്‍ക്കും തന്മയാ എന്ന് പേരുള്ള ഒരു മകളുണ്ട്. 2007 ലായിരുന്നു നരെയ്ന്‍-മഞ്ജു എന്നിവരുടെ വിവാഹം.

2002 ല്‍ നിഴല്‍ക്കൂത്ത് എന്ന ചിത്രത്തിലൂടെയാണ് നരെയ്ന്‍ അഭിനയരംഗത്തേക്ക് എത്തിയത്. മലയാളത്തിനു പുറമെ മറ്റ് തെന്നിന്ത്യന്‍ ഭാഷകളിലും താരം അഭിനയിച്ചു. ഫോര്‍ ദ പീപ്പിള്‍, അച്ചുവിന്റെ അമ്മ, ക്ലാസ്മേറ്റ്സ്, പന്തയക്കോഴി, മിന്നാമിന്നിക്കൂട്ടം, ഭാഗ്യദേവത, റോബിന്‍ഹുഡ്. അയാളും ഞാനും തമ്മില്‍, ത്രീ ഡോട്ട്സ്, കവി ഉദ്ദേശിച്ചത്, ഒടിയന്‍, കൈതി, വിക്രം എന്നിവയാണ് നരെയ്ന്റെ ശ്രദ്ധിക്കപ്പെട്ട സിനിമകള്‍.