‘ ഹാപ്പി ബെര്‍ത്ത് ഡേ ഹസ്’; ഇന്ദ്രജിത്തിന്റെ കേക്ക് കട്ടിങ് വീഡിയോയുമായി പൂര്‍ണിമ, താരദമ്പതികള്‍ എവിടെയാണെന്നോ?

ജീവിതപങ്കാളി ഇന്ദ്രജിത്ത് സുകുമാരന്റെ ജന്മദിനം ആഘോഷിച്ച് നടിയും മോഡലുമായ പൂര്‍ണിമ ഇന്ദ്രജിത്ത്. തുര്‍ക്കിയിലാണ് ഇരുവരും ഇപ്പോള്‍ ഉള്ളത്. ഇന്ദ്രജിത്ത് ബെര്‍ത്ത് ഡേ കേക്ക് മുറിക്കുന്നതിന്റെ വീഡിയോ താരം ഇന്‍സ്റ്റഗ്രാമില്‍ പങ്കുവെച്ചിട്ടുണ്ട്.

ഇസ്താന്‍ബുളിലെ പോയം ഹോട്ടലില്‍ വെച്ചാണ് ഇന്ദ്രജിത്തിന്റെ ജന്മദിനാഘോഷം നടന്നത്. പൂര്‍ണിമ പാട്ട് പാടി വിഷ് ചെയ്യുന്നത് വീഡിയോയില്‍ കേള്‍ക്കാം.

മലയാളത്തിന്റെ പ്രിയതാരം ഇന്ദ്രജിത്തിന്റെ 44-ാം ജന്മദജിനമാണ് ഇന്ന്. 1978 ഡിസംബര്‍ 17 നാണ് താരത്തിന്റെ ജനനം.