തന്റെ ശരീരത്തിലെ സ്‌ട്രെച്ച് മാര്‍ക്കുകള്‍, ചുളിവുകള്‍; പുതിയ ചിത്രങ്ങള്‍ പങ്കുവെച്ച് നമിത പ്രമോദ്

മലയാളികള്‍ക്ക് ഏറെ പ്രിയങ്കരിയായ നടിയാണ് നമിത പ്രമോദ്. തന്റെ 15ാംവയസില്‍ മലയാളത്തിലെ എക്കാലത്തെയും ഹിറ്റ് ചിത്രങ്ങളില്‍ ഒന്നായ ട്രാഫിക്കിലൂടെയാണ് നമിത പ്രമോദിന്റെ സിനിമ അരങ്ങേറ്റം. തൊട്ടടുത്ത വര്‍ഷം പുതിയ തീരങ്ങളില്‍ ലീഡ് റോളിലും താരം കലക്കന്‍ പെര്‍ഫോമന്‍സാണ് കാഴ്ചവെച്ചത്.

പുള്ളിപുലികളും ആട്ടിന്‍കുട്ടിയും, വിക്രമാദിത്യന്‍, ഓര്‍മയുണ്ടോ ഈ മുഖം, ചന്ദ്രേട്ടന്‍ എവിടെയാ, അമര്‍ അക്ബര്‍ അന്തോണി, ഈശോ എന്നിവയാണ് താരത്തിന്റെ മറ്റ് ശ്രദ്ധേയമായ സിനിമകള്‍.

ഇന്‍സ്റ്റഗ്രാമില്‍ നമിത പങ്കുവെച്ച ചിത്രങ്ങളാണ് പുതിയ ചര്‍ച്ചകള്‍ക്ക് വഴിതെളിയിച്ചിയിരിക്കുന്നത്. തന്റെ സ്‌ട്രെച്ച് മാര്‍ക്കുകള്‍ കാണിക്കുന്നതാണ് താരത്തിന്റെ ഫോട്ടോകള്‍. അതിന് താഴെ നമിത തന്നെ അടിക്കുറിപ്പും പങ്കുവെച്ചിട്ടുണ്ട്.

‘ഹലോ കര്‍വുകള്‍, സ്‌ട്രെച്ച് മാര്‍ക്കുകള്‍, ചുളിവുകള്‍, ഒപ്പം വളര്‍ന്ന മുടി..’, എന്ന ക്യാപ്ഷനോടെയാണ് നമിത ഫോട്ടോകള്‍ പങ്കുവെച്ചിരിക്കുന്നത്.