മമ്മൂട്ടിയും വിജയ് സേതുപതിയും ഒന്നിക്കുന്നതായി റിപ്പോര്‍ട്ട്

മെഗാസ്റ്റാര്‍ മമ്മൂട്ടിയും സൂപ്പര്‍താരം വിജയ് സേതുപതിയും ഒന്നിക്കുന്നതായി റിപ്പോര്‍ട്ട്. ഒരു തമിഴ് ചിത്രത്തിനു വേണ്ടിയാണ് ഇരുവരും ഒന്നിക്കുന്നതെന്നാണ് വിവരം. വിജയ് സേതുപതിയും മമ്മൂട്ടിയും ഈ ചിത്രത്തിനായി ഡേറ്റ് നല്‍കിയെന്നും വാര്‍ത്തകളുണ്ട്.

കാക്ക മുട്ടൈ, ആണ്ടവന്‍ കട്ടളൈ തുടങ്ങിയ മികച്ച സിനിമകളിലൂടെ ശ്രദ്ധേയനായ മണികണ്ഠനാണ് ഈ ചിത്രം സംവിധാനം ചെയ്യുന്നത്. അഭിനയ പ്രാധാന്യമുള്ള കഥാപാത്രങ്ങളാണ് ഇരുവര്‍ക്കും ഉള്ളതെന്നാണ് സൂചന.

മറ്റ് സിനിമ തിരക്കുകളെല്ലാം മാറ്റിവെച്ച് ഈ ചിത്രത്തിനു വേണ്ടി വിജയ് സേതുപതി ഡേറ്റ് നല്‍കിയെന്നാണ് വിവരം. ഈ വര്‍ഷം തന്നെ ഷൂട്ടിങ് തുടങ്ങുന്ന കാര്യവും ആലോചനയിലുണ്ട്. വിജയ് സേതുപതിയും മമ്മൂട്ടിയും ഒന്നിക്കുന്ന ആദ്യ ചിത്രമായിരിക്കും ഇത്.