അഭിനയിക്കാനുള്ള ഒരു ടൂള്‍ മാത്രമാണ് തന്റെ ശരീരം: ദര്‍ശന

വളരെ കുറച്ച് സിനിമകള്‍ കൊണ്ട് മലയാളികളുടെ മനസ് കീഴടക്കിയ നടിയാണ് ദര്‍ശന രാജേന്ദ്രന്‍. അഭിനയം മാത്രമല്ല പല അഭിപ്രായ പ്രകടനങ്ങള്‍കൊണ്ടും താരം ഏവരെയും ഞെട്ടിച്ചിട്ടുണ്ട്.

ഇപ്പോള്‍ വളരെ ബോള്‍ഡായുള്ള തന്റെ നിലപാടാണ് താരം വ്യക്തമാക്കിയിരിക്കുന്നത്. തന്റെ ശരീരത്തെ അഭിനയിക്കാനുള്ള ഒരു ടൂള്‍ മാത്രമായാണ് താന്‍ കാണുന്നത് എന്നാണ് ദര്‍ശന പറഞ്ഞത്.

‘ആണും പെണ്ണും’ സിനിമയില്‍ കാടിനുള്ളിലെ രംഗം ചെയ്യാനുള്ള ആത്മവിശ്വാസം നേടിയതും അഭിനയത്തിനുള്ള ടൂള്‍ മാത്രമാണ് തന്റെ ശരീരം എന്ന കാര്യം മനസിലാക്കിയതുമെല്ലാം തിയേറ്റര്‍ കാരണമാണെന്ന് ദര്‍ശന പറഞ്ഞു. ഒരു അഭിനേതാവ് എന്ന നിലയില്‍ ഇത് തന്റെ ജോലിയാണ് എന്നും ദര്‍ശന പറഞ്ഞു.