സുഖമുള്ള ഫീലല്ല ലിപ്പ്‌ലോക്ക് സീന്‍ ചെയ്യുമ്പോള്‍ കിട്ടുക: സ്വാസിക

ആരാധകര്‍ക്ക് ഏറെ പ്രിയങ്കരിയായ താരമാണ് സ്വാസിക. സീത എന്ന സീരിയലിലൂടെയാണ് താരം ആരാധകര്‍ക്ക് ഏറെ പ്രിയങ്കരിയായി മാറിയത്. സിനിമയിലും നല്ല വേഷങ്ങള്‍ ചെയ്യാന്‍ താരത്തിന് സാധിച്ചിട്ടുണ്ട്.

പല വിഷയങ്ങളിലും അഭിപ്രായം തുറന്നു പറഞ്ഞും താരം ശ്രദ്ധ നേടാറുണ്ട്. ഇപ്പോള്‍ സിനിമയിലെ ലിപ് ലോക്ക് സീനിനെക്കുറിച്ചാണ് താരം പറഞ്ഞിരിക്കുന്നത്.

ഓണ്‍ സ്രക്രീന്‍ ലിപ് ലോക്ക് സീന്‍ അത്ര എളുപ്പമുള്ള കാര്യമല്ല. ആളുകള്‍ വിചാരിക്കുന്ന സുഖമുള്ള ഫീല്‍ ഒന്നുമല്ല ലിപ് ലോക്ക് സീന്‍ അഭിനയിക്കുമ്പോള്‍ നമുക്ക് കിട്ടുക. ഒരുപാട് ആളുകളുടെ മുന്നില്‍ വെച്ചാണ് അങ്ങനെ ചെയ്യേണ്ടത്. നല്ല ചമ്മലുണ്ടാകും എന്നും താരം പറഞ്ഞു.

അഭിനയ മികവിന് അവാര്‍ഡുകളും സ്വാസികയെ തേടിയെത്തിയിരുന്നു. വാസന്തി എന്ന ചിത്രത്തിലൂടെ മികച്ച സഹനടിക്കുള്ള സംസ്ഥാന സര്‍ക്കാരിന്റെ പുരസ്‌കാരമായിരുന്നു സ്വാസിക സ്വന്തമാക്കിയത്.