സുന്ദര നിമിഷങ്ങള്‍ പങ്കുവെച്ച് മീന

മലയാളികള്‍ക്ക് ഏറെ പ്രിയപ്പെട്ട തെന്നിന്ത്യന്‍ നടിയാണ് മീന. മമ്മൂട്ടി, മോഹന്‍ലാല്‍, സുരേഷ് ഗോപി, ജയറാം തുടങ്ങി മലയാളത്തിലെ പ്രമുഖ താരങ്ങള്‍ക്കൊപ്പമെല്ലാം മീന അഭിനയിച്ചിട്ടുണ്ട്.

ഈയടുത്താണ് മീനയുടെ ഭര്‍ത്താവ് സാഗര്‍ മരിച്ചത്. അപ്രതീക്ഷിതമായായിരുന്നു ഭര്‍ത്താവിന്റെ മരണം. ഇപ്പോള്‍ യാത്രക്കിടെയുള്ള സുന്ദരമായ നിമിഷങ്ങളാണ് മീന പങ്കുവെച്ചിരിക്കുന്നത്.

ചെന്നൈയിലാണ് മീനയുടെ ജനനം. നെഞ്ചങ്ങള്‍ എന്ന തമിഴ് സിനിമയിലൂടെ ബാലനടിയായാണ് മീനയുടെ അരങ്ങേറ്റം. സാന്ത്വനം എന്ന സിനിമയിലൂടെയാണ് മീന മലയാളത്തില്‍ അരങ്ങേറിയത്.

വര്‍ണപ്പകിട്ട്, കുസൃതികുറുപ്പ്, ഡ്രീംസ്, ഒളിംപ്യന്‍ അന്തോണി ആദം, രാക്ഷസരാജാവ്, കഥ പറയുമ്പോള്‍, ഫ്രണ്ട്‌സ്, ഉദയനാണ് താരം, കറുത്ത പക്ഷികള്‍, ദൃശ്യം തുടങ്ങിയവയാണ് മീനയുടെ മലയാളത്തിലെ ശ്രദ്ധിക്കപ്പെട്ട ചിത്രങ്ങള്‍.