ഈ കുട്ടികളെ മനസ്സിലായോ? സോഷ്യല്‍ മീഡിയയിലെ സൂപ്പര്‍താരങ്ങള്‍

സെലിബ്രിറ്റികളുടെ പഴയകാല ചിത്രങ്ങള്‍ സോഷ്യല്‍ മീഡിയയില്‍ ശ്രദ്ധിക്കപ്പെടാറുണ്ട്. അങ്ങനെയൊരു ചിത്രമാണ് ഇപ്പോള്‍ ആരാധകര്‍ ഏറ്റെടുത്തിരിക്കുന്നത്. നടന്‍ കൃഷ്ണ കുമാറിന്റെ മക്കളായ ദിയ കൃഷ്ണയും ഹന്‍സിക കൃഷ്ണയുമാണ് ചിത്രത്തിലുള്ളത്.

അനിയത്തി ഹന്‍സികയെ ഒക്കത്തുവെച്ച് നില്‍ക്കുന്ന ദിയയെ ആണ് ചിത്രത്തില്‍ കാണുന്നത്. ഹന്‍സികയുടെ ജന്മദിനത്തോട് അനുബന്ധിച്ചുള്ള ആശംസ പോസ്റ്റിലാണ് ദിയ ഈ ചിത്രം പങ്കുവെച്ചത്.

‘ എനിക്കറിയാവുന്ന ഏറ്റവും ക്യൂട്ടായ കുട്ടിക്ക് ജന്മദിനാശംസകള്‍’ എന്നാണ് ദിയ ഈ ചിത്രത്തിനൊപ്പം കുറിച്ചിരിക്കുന്നത്. വളരെ ക്യൂട്ടായ ചേച്ചിയുടെയും അനിയത്തിയുടെയും ചിത്രം ആരാധകര്‍ ഏറ്റെടുത്തു.