വി ധന്യ, വര്‍ഷങ്ങള്‍ക്ക് മുന്‍പ് കലാതിലകമായതിന്റെ ചിത്രങ്ങള്‍ പങ്കുവെച്ച് നവ്യ നായര്‍

മലയാളികളുടെ പ്രിയപ്പെട്ട താരമാണ് നവ്യ നായര്‍. താരം സോഷ്യല്‍ മീഡിയയില്‍ പങ്കുവെച്ച ഒരു ചിത്രമാണ് ഇപ്പോള്‍ വൈറലായിരിക്കുന്നത്. സ്‌കൂളില്‍ പഠിക്കുന്ന കാലത്തെ ചിത്രമാണ് താരം പങ്കുവെച്ചിരിക്കുന്നത്.

ഹൈസ്‌കൂള്‍ വിഭാഗത്തില്‍ കലാതിലകമായിരുന്നു നവ്യ നായര്‍. ഇതിന്റെ ഫോട്ടോ അന്ന് പത്രത്തില്‍ വന്നിരുന്നു. ഇതാണ് താരം ഇപ്പോള്‍ പങ്കുവെച്ചിരിക്കുന്നത്. എന്നാല്‍ അന്നത്തെ നവ്യയുടെ പേര് വി ധന്യ എന്നായിന്നു.

സിബി മലയില്‍ സംവിധാനം ചെയ്ത ഇഷ്ടം എന്ന സിനിമയിലൂടെയാണ് നവ്യ അഭിനയ രംഗത്തേക്ക് എത്തിയത്. പിന്നീട് ഒരുപിടി നല്ല സിനിമകളുടെ ഭാഗമായി.

വിവാഹശേഷം സിനിമയില്‍ നിന്ന് ബ്രേക്ക് എടുത്തെങ്കിലും ഒരുത്തി എന്ന ചിത്രത്തിലൂടെ ഗംഭീര തിരിച്ചുവരവാണ് താരം ഇപ്പോള്‍ നടത്തിയിരിക്കുന്നത്.