ഗ്ലാമറസ് ലുക്കുമായി മൗനരാഗത്തിലെ കല്യാണി

ഏഷ്യാനെറ്റിലെ വീട്ടമ്മമാരുടെ പ്രിയപ്പെട്ട സീരിയലാണ് മൗനരാഗം. അതില്‍ സംസാരിക്കാന്‍ കഴിയാത്ത ഊമയായ ഒരു കഥാപാത്രമാണ് കല്യാണി. കല്യാണി തന്നെയാണ് അതിലെ നായികയും. തമിഴ്‌നടിയായ ഐശ്വര്യ റാംസെയാണ് ഈ കഥാപാത്രത്തെ അവതരിപ്പിക്കുന്നത്.

സീരിയലില്‍ നാടന്‍ വേഷമണിഞ്ഞ ഒരു ശാലീന സുന്ദരിയുടെ വേഷമാണ് ഐശ്വര്യയുടേത്. സംസാരിക്കാന്‍ കഴിയില്ലെങ്കിലും നല്ലൊരു ചിത്രകാരിയാണ് കല്യാണി എന്ന കഥാപാത്രം.

ഇപ്പോള്‍ ഐശ്വര്യയുടെ ഒരു ഗ്ലാമര്‍ ഫോട്ടോയാണ് വൈറലായിരിക്കുന്നത്. ദുബൈയിലെ ജെബേല്‍ അലി ബീച്ചില്‍ നിന്നുമാണ് ഈ ചിത്രങ്ങള്‍. ടീ ഷര്‍ട്ടും ഷോര്‍ട്ട്‌സുമാണ് ഐശ്വര്യയുടെ വേഷം.

ബാലതാരമായി അഭിനയിച്ചു കൊണ്ടായിരുന്നു ഐശ്വര്യ സീരിയലിലേക്ക് വരുന്നത്. കുലൈദൈവം എന്ന സീരിയലിലാണ് ആദ്യമായി ഐശ്വര്യ അഭിനയിച്ചത്. അതിന് ശേഷം കല്യാണവീട്, സുമംഗലി തുടങ്ങിയ തമിഴ് സീരിയലുകളില്‍ അഭിനയിച്ച ശേഷമാണ് ഐശ്വര്യ മലയാളത്തില്‍ മൗനരാഗത്തിലൂടെ തുടക്കം കുറിച്ചത്.