അസാധ്യ മെയ് വഴക്കത്താല്‍ ഞെട്ടിച്ച് കനിഹ; കലക്കന്‍ ഡാന്‍സ് വീഡിയോ

സോഷ്യല്‍ മീഡിയയില്‍ നിരവധി ആരാധകരുള്ള താരമാണ് കനിഹ. തന്റെ വിശേഷങ്ങളും ചിത്രങ്ങളും ഇന്‍സ്റ്റഗ്രാമില്‍ കനിഹ പങ്കുവെയ്ക്കാറുണ്ട്. ‘റാ റാ റെഡ്ഡി’ എന്ന പാട്ടിന് ചുവടുവെയ്ക്കുന്ന താരത്തെയാണ് പുതിയ വീഡിയോയില്‍ കാണുന്നത്. അസാധ്യ മെയ് വഴക്കത്താല്‍ ആരാധകരെ ഞെട്ടിച്ചിരിക്കുകയാണ് താരം. സുഹൃത്ത് ഹരിപ്രിയയ്‌ക്കൊപ്പമാണ് കനിഹ ഡാന്‍സ് കളിക്കുന്നത്.

സൂപ്പര്‍താരങ്ങളായ മമ്മൂട്ടി, മോഹന്‍ലാല്‍, സുരേഷ് ഗോപി, ജയറാം തുടങ്ങിയവരുടെയെല്ലാം നായികയായി അഭിനയിക്കാന്‍ കനിഹയ്ക്ക് ഭാഗ്യം ലഭിച്ചിട്ടുണ്ട്. ദിലീപിനൊപ്പവും കനിഹ അഭിനയിച്ചിട്ടുണ്ട്.

മലയാളികളുടെ പ്രിയതാരമാണ് കനിഹ. പ്രായം 40 ആയെങ്കിലും ബോഡി ഫിറ്റ്നെസിന് ഇപ്പോഴും വളരെ ശ്രദ്ധ ചെലുത്തുന്ന താരങ്ങളില്‍ ഒരാളാണ് കനിഹ.

1982 ജൂലൈ മൂന്നിനാണ് കനിഹയുടെ ജനനം. പ്രായം നാല്‍പ്പതായെങ്കിലും ലുക്കില്‍ ഇന്നും ആരാധകരെ ഞെട്ടിക്കുന്ന താരം കൂടിയാണ് കനിഹ. സോഷ്യല്‍ മീഡിയയില്‍ വളരെ സജീവ സാന്നിധ്യമാണ് കനിഹ. താരം പങ്കുവയ്ക്കുന്ന ചിത്രങ്ങളെല്ലാം സോഷ്യല്‍ മീഡിയയില്‍ വലിയ രീതിയില്‍ ശ്രദ്ധിക്കപ്പെടാറുണ്ട്.