പാപ്പനിലെ തീപ്പൊരി പൊലീസ്; നീതയുടെ ചിത്രങ്ങള്‍ കാണാം

സുരേഷ് ഗോപിയെ നായകനാക്കി ജോഷി സംവിധാനം ചെയ്ത പാപ്പന്‍ തിയറ്ററുകളില്‍ വിജയകരമായി മുന്നേറുകയാണ്. ചിത്രത്തിലെ എല്ലാ കഥാപാത്രങ്ങളും തിയറ്ററില്‍ കയ്യടി വാങ്ങുന്നുണ്ടെങ്കിലും അതില്‍ എടുത്തുപറയേണ്ടത് നടി നീത പിള്ളയുടെ കഥാപാത്രമാണ്.

എ.എസ്.പി. വിന്‍സി എബ്രഹാം ഐപിഎസ് എന്ന കഥാപാത്രത്തെയാണ് നീത അവതരിപ്പിച്ചത്. തീ പാറുന്ന പൊലീസ് വേഷമെന്നാണ് നീതയുടെ കഥാപാത്രത്തെ പ്രേക്ഷകര്‍ വിശേഷിപ്പിക്കുന്നത്.

2018 ല്‍ പൂമരം എന്ന ചിത്രത്തിലൂടെയാണ് നീത പിള്ള അഭിനയരംഗത്തേക്ക് എത്തിയത്. 1989 ല്‍ തൊടുപുഴയിലാണ് നീതയുടെ ജനനം. അറിയപ്പെടുന്ന മോഡലും നര്‍ത്തകിയുമാണ് നീത.