ഉമ്മച്ചിയെ വാരിപ്പുണര്‍ന്ന് ദുല്‍ഖര്‍; പിറന്നാള്‍ മുത്തം

ഉമ്മച്ചി സുല്‍ഫത്തിന് ജന്മദിനാശംസകള്‍ നേര്‍ന്ന് സൂപ്പര്‍താരം ദുല്‍ഖര്‍ സല്‍മാന്‍. പിറന്നാള്‍ ദിനത്തില്‍ ഉമ്മയ്ക്ക് സ്‌നേഹചുംബനം നല്‍കുന്ന ദുല്‍ഖര്‍ സോഷ്യല്‍ മീഡിയയില്‍ പങ്കുവെച്ചു.

ഉമ്മച്ചിയെ വാരിപ്പുണര്‍ന്നിരിക്കുന്ന ദുല്‍ഖറിനെ ചിത്രങ്ങളില്‍ കാണാം. പ്രിയപ്പെട്ട മകന് സുല്‍ഫത്തും മുത്തം നല്‍കുന്നു. വളരെ ഹൃദ്യമാണ് ഈ ചിത്രങ്ങള്‍.

”എന്റെ പ്രിയപ്പെട്ട ഉമ്മച്ചിക്ക് ജന്മദിനാശംസകള്‍. ഇന്നായിരുന്നു ആ സവിശേഷമായ ദിവസം, ഓരോ ചെറിയ കാര്യങ്ങളിലും ഉമ്മയുടെ പ്രതികരണം ഞങ്ങള്‍ ഇഷ്ടപ്പെട്ടു. ഉമ്മയ്ക്കായി ഓരോന്ന് ചെയ്യാന്‍ ഉമ്മ മനസില്ലാമനസോടെ സമ്മതിക്കുന്ന ഒരേയൊരു ദിവസമാണ് ജന്മദിനം. ഉമ്മ ഇന്ന് ഏറ്റവും സന്തോഷവതിയായ ബര്‍ത്ത്ഡേക്കാരിയായിരുന്നു. ലവ് യു ഉമ്മ,” ദുല്‍ഖര്‍ കുറിച്ചു.