Mammootty
71-ാം വയസ്സിലും മലയാളികളെ ഞെട്ടിച്ച് മമ്മൂട്ടി. സൂപ്പര്‍ഹിറ്റ് ചിത്രം ഭീഷ്മ പര്‍വ്വത്തിലെ സംഘട്ടനരംഗത്തിന്റെ മേക്കിങ് വീഡിയോ പുറത്തുവിട്ടു. ഈ വീഡിയോയിലാണ് അസാധ്യ മെയ് വഴക്കത്തോടെ യുവാക്കളെ പോലും ഞെട്ടിക്കുന്ന മമ്മൂട്ടിയുടെ പ്രകടനം കാണുന്നത്.
സംവിധായകന്‍ അമല്‍ നീരദ് മമ്മൂട്ടിയുടെ ഫൈറ്റ് സീന്‍ കണ്ട് കയ്യടിക്കുന്നത് വീഡിയോയില്‍ കാണാം. മമ്മൂട്ടിയാണ് മേക്കിങ് വീഡിയോ പങ്കുവെച്ചത്. മൂന്നര മിനിറ്റ് ദൈര്‍ഘ്യമുള്ള വീഡിയോയില്‍ ഭീഷ്മ പര്‍വ്വത്തിലെ ഫാക്ടറി ഫൈറ്റ് സീന്‍ ഷൂട്ട് ചെയ്യുന്നതാണ് കാണിക്കുന്നത്.
അതേസമയം, ബോക്‌സ്ഓഫീസില്‍ പുതിയ ഉയരങ്ങള്‍ താണ്ടുകയാണ് ഭീഷ്മ പര്‍വ്വം. സൗദി അറേബ്യയില്‍ ഏറ്റവുമധികം കളക്ഷന്‍ ലഭിക്കുന്ന ഇന്ത്യന്‍ സിനിമയായി മമ്മൂട്ടിയുടെ ഭീഷ്മ പര്‍വ്വം. സിനിമയുടെ ജിസിസി വിതരണം ഏറ്റെടുത്ത ട്രൂത്ത് ഗ്ലോബല്‍ ഫിലിംസ് ആണ് ഈ വിവരം പുറത്തുവിട്ടത്. വിജയ് ചിത്രം മാസ്റ്ററിന്റെ റെക്കോര്‍ഡ് തകര്‍ത്താണ് ഭീഷ്മ പര്‍വ്വം സൗദിയില്‍ ഒന്നാമതെത്തിയത്. റിലീസ് ചെയ്ത് 13 ദിവസം കൊണ്ടാണ് ഈ നേട്ടം. അതേസമയം, ചിത്രത്തിന്റെ ആഗോള കളക്ഷന്‍ 75 കോടി പിന്നിട്ടു.
ലൂസിഫറിന്റെ മൂന്നാം ഭാഗമായ 'അസ്രയേല്‍' സംഭവിക്കുമെന്ന് ഉറപ്പ്…
ആരാധകര്‍ക്കായി ഗ്ലാമറസ് ചിത്രങ്ങള്‍ പങ്കുവെച്ച് ഇഷ തല്‍വാര്‍.…
മലയാളികള്‍ക്ക് ഏറെ പ്രിയങ്കരനായ നടനാണ് ഫഹദ് ഫാസില്‍.…
ഇന്ത്യന്‍ സിനിമയില്‍ ഏറെ ചര്‍ച്ച ചെയ്യപ്പെട്ട നടിയാണ്…