പ്രണവിന്റെ കയ്യില്‍ ഉള്ളത് രണ്ട് ജീന്‍സും അഞ്ച് ടീ ഷര്‍ട്ടും; താരപുത്രന്റെ ലളിത ജീവിതം കേട്ട് ഞെട്ടി സോഷ്യല്‍ മീഡിയ

താരരാജാവ് മോഹന്‍ലാലിന്റെ മകന്‍ ആണെങ്കിലും അങ്ങനെയൊരു പ്രിവില്ലേജും ഇല്ലാതെ പൊതു മധ്യത്തില്‍ പ്രത്യക്ഷപ്പെടുന്ന നടനാണ് പ്രണവ് മോഹന്‍ലാല്‍. യാത്രകളെ ഇഷ്ടപ്പെടുന്ന പ്രണവിന്റെ സിംപിള്‍ ലൈഫ് ആരാധകര്‍ പലപ്പോഴും കാണുകയും വാര്‍ത്തകളിലൂടെ അറിയുകയും ചെയ്തിട്ടുണ്ട്.

പ്രണവ് നായകനായ ‘ഹൃദയം’ ഇപ്പോള്‍ തിയറ്ററുകളില്‍ വന്‍ വിജയവുമായി മുന്നേറുകയാണ്. ഹൃദയം ഷൂട്ടിങ് സമയത്ത് ഉണ്ടായ അനുഭവം പങ്കുവയ്ക്കുകയാണ് ചിത്രത്തിന്റെ നിര്‍മാതാവായ വിശാഖ് സുബ്രഹ്മണ്യം.

പ്രണവിന്റെ ലൈഫ് സ്റ്റൈല്‍ അവനായിട്ട് തന്നെ തീരുമാനിച്ചതാണെന്ന് വിശാഖ് പറയുന്നു. തന്റെ അറിവില്‍ അവന്‍ രണ്ട് ജീന്‍സും, അഞ്ച് ടീഷര്‍ട്ടുമാണ് നാലഞ്ച് കൊല്ലമായി ഉപയോഗിക്കുന്നതെന്നും ഒരു മഹാത്മാ ഗാന്ധിയുടെ പടമുള്ള ടീഷര്‍ട്ട്, ഒരു മങ്കി ടീഷര്‍ട്ട്, ഒരു കീറിയ ജീന്‍സ്, ഒരു സ്ലിപ്പര്‍ എന്നിവയാണ് അവനുള്ളതെന്ന് വിശാഖ് ഒരു അഭിമുഖത്തിനിടെ പറഞ്ഞു.