Jayaram and Urvashi in Malootty film
മലയാളത്തിലെ ഹിറ്റ് ജോഡികളാണ് ജയറാമും ഉര്‍വശിയും. ഇരുവരും ഒന്നിച്ച് അഭിനയിച്ച സിനിമകളെല്ലാം തിയറ്ററുകളില്‍ വലിയ വിജയം നേടിയിരുന്നു. ജയറാമും ഉര്‍വശിയും ഒന്നിച്ചുള്ള സൂപ്പര്‍ഹിറ്റ് സിനിമയാണ് മാളൂട്ടി. ഇരുവരും ഒന്നിച്ചുള്ള റൊമാന്റിക് രംഗങ്ങളും ഈ സിനിമയിലുണ്ട്. ഈ റൊമാന്റിക് രംഗങ്ങള്‍ക്കുള്ള പിന്നിലുള്ള രഹസ്യങ്ങള്‍ വെളിപ്പെടുത്തുകയാണ് ഉര്‍വശി ഇപ്പോള്‍. റൊമാന്റിക് രംഗങ്ങളില്‍ അഭിനയിക്കുന്ന സമയത്ത് താന്‍ ജയറാമിനെ ഉപദ്രവിക്കാറുണ്ടെന്നും ഉര്‍വശി പറയുന്നു.
ജയറാമും ഉര്‍വശിയും ഭാര്യാഭര്‍ത്താക്കന്‍മാരായാണ് മാളൂട്ടിയില്‍ അഭിനയിക്കുന്നത്. ഉര്‍വശി കുളിക്കുന്നതിനിടെ ജയറാം ബാത്ത്റൂമില്‍ കയറിവരുന്നതും ഇരുവരും ഒന്നിച്ചുള്ള ഇന്റിമേറ്റ് രംഗങ്ങളും മാളൂട്ടിയില്‍ ഉണ്ട്. ജയറാമിനൊപ്പമുള്ള ഈ സീന്‍ ചെയ്യാന്‍ തനിക്ക് വലിയ താല്‍പര്യമൊന്നും ഇല്ലായിരുന്നു എന്നാണ് ഉര്‍വശി പറയുന്നത്.
Urvashi
‘പൊതുവെ റൊമാന്റിക് രംഗങ്ങള്‍ അഭിനയിക്കാന്‍ എനിക്ക് വലിയ താല്‍പര്യമില്ല. ആ സീനൊക്കെ ചെയ്യുമ്പോള്‍ ഞാന്‍ ജയറാമിനെ നഖം കൊണ്ട് പിച്ചും. വേഗം എടുത്ത് തീര്‍ക്ക് എന്ന മട്ടില്‍. ഈ സീന്‍ ചെയ്യാന്‍ പറ്റില്ലെങ്കില്‍ ഡയറക്ടറോട് പറയണം എന്നെ ഉപദ്രവിക്കുകയല്ല വേണ്ടത് എന്നൊക്കെ ജയറാം പറയും. മാത്രമല്ല ആ സമയത്ത് ജയറാം-പാര്‍വതി പ്രണയം വലിയ ചര്‍ച്ചയായി നില്‍ക്കുകയാണ്. പാര്‍വതിയുടെ അമ്മയ്ക്ക് ചില എതിര്‍പ്പുകളൊക്കെയുണ്ടായിരുന്നു. ചുറ്റിലും ദൂതന്‍മാരുണ്ട്. ഭരതന്‍ സാര്‍ ആയിരുന്നതുകൊണ്ട് ഇത്തരം സീനുകള്‍ സിനിമയില്‍ നിന്ന് ഒഴിവാക്കാന്‍ പറയാനും പറ്റില്ലല്ലോ,’ ഉര്‍വശി പഴയൊരു അഭിമുഖത്തില്‍ പറഞ്ഞു.
ഭരതന്‍ സംവിധാനം ചെയ്ത മാളൂട്ടി 1990 ലാണ് റിലീസ് ചെയ്തത്. തിയറ്ററുകളില്‍ വന്‍ വിജയമായിരുന്നു സിനിമ.
മലയാളികള്‍ക്ക് ഏറെ പ്രിയങ്കരിയായ നടിയാണ് ഹണി റോസ്.…
കുഞ്ചാക്കോ ബോബന്‍, ഫഹദ് ഫാസില്‍, ജ്യോതിര്‍മയി എന്നിവരെ…
നടന്മാരായ മുകേഷ്, ജയസൂര്യ, ഇടവേള ബാബു ഉള്‍പ്പെടെ…
ആരാധകര്‍ ഏറെ പ്രതീക്ഷയോടെ കാത്തുനില്‍ക്കുന്ന തെന്നിന്ത്യന്‍ സൂപ്പര്‍…
ബോക്സ്ഓഫീസില്‍ ഞെട്ടിക്കുന്ന കുതിപ്പുമായി കിഷ്‌കിന്ധാ കാണ്ഡം. റിലീസ്…