Nivin Pauly and Rinna
യുവ താരങ്ങളില്‍ ഏറെ ആരാധകരുള്ള നടനാണ് നിവിന്‍ പോളി. സിനിമയോടുള്ള അഗാധമായ താല്‍പര്യത്താല്‍ ഇന്‍ഫോസിസിലെ ജോലി രാജിവച്ച് ചാന്‍സ് അന്വേഷിച്ച് ഇറങ്ങിയ നിവിന്‍ പോളിയുടെ ജീവിതകഥ നാം പലപ്പോഴും കേട്ടിട്ടുണ്ട്. അക്കാലത്ത് നിവിന്‍ പോളിക്ക് മാനസികമായി പിന്തുണ നല്‍കിയിരുന്നത് ജീവിതസഖി റിന്ന മാത്രമാണ്. നല്ലൊരു ജോലി കളഞ്ഞ് സിനിമയിലേക്ക് പോകണോ എന്ന് മാതാപിതാക്കള്‍ അടക്കം പലരും അന്ന് നിവിന്‍ പോളിയോട് ചോദിച്ചിരുന്നു.
ഏറെ നാളത്തെ പ്രണയത്തിനൊടുവിലാണ് നിവിന്‍ പോളിയും റിന്നയും വിവാഹിതരായത്. സിനിമാ കഥ പോലെ രസകരമായിരുന്നു ഇരുവരുടേയും പ്രണയവും. എന്‍ജിനീയറിങ് പഠന കാലത്താണ് നിവിന്‍ റിന്നയെ പരിചയപ്പെടുന്നത്. ഇരുവരും ഒരേ കോളേജില്‍ ആയിരുന്നു എന്‍ജിനീയറിങ് പഠനത്തിനെത്തിയത്.
Nivin and Rinna
തുടക്കത്തില്‍ രണ്ട് ക്ലാസ്മേറ്റ്സുകളില്‍ തമ്മിലുള്ള സൗഹൃദം മാത്രമായിരുന്നു ഇരുവര്‍ക്കും ഇടയില്‍ ഉണ്ടായിരുന്നത്. ഫസ്റ്റ് ഇയറില്‍ ഇരുവരും അടുത്ത സുഹൃത്തുക്കളായി തുടര്‍ന്നു. പിന്നീടാണ് സൗഹൃദത്തിനേക്കാള്‍ വലിയൊരു അടുപ്പം തങ്ങള്‍ക്കിടയിലുണ്ടെന്ന് ഇരുവരും മനസിലാക്കുന്നത്. റിന്ന ക്ലാസ് ടോപ്പറും നിവിന്‍ ബാക്ക് ബഞ്ചറും ആയിരുന്നു. അതുകൊണ്ട് തന്നെ ഇരുവരുടെയും പ്രണയം സിനിമാ കഥകള്‍ പോലെ രസകരവും. റിന്നയ്ക്ക് എന്തുകൊണ്ടാണ് തന്നോട് പ്രണയം തോന്നുന്നതെന്ന് പലപ്പോഴും നിവിന്‍ ആലോചിച്ചിരുന്നു.
പഠനശേഷം ഇരുവരും ജോലിയില്‍ ശ്രദ്ധ കേന്ദ്രീകരിച്ചു. നിവിന്‍ പോളി ഇന്‍ഫോസിസില്‍ ജോലി ചെയ്യുമ്പോഴാണ് വിവാഹിതനായത്. അക്കാലത്ത് സിനിമയില്‍ എത്തിയിട്ടില്ല. ഇരുവരുടെയും കുടുംബക്കാര്‍ വിവാഹത്തിനു പിന്തുണ നല്‍കി. അങ്ങനെ 2010 ഓഗസ്റ്റ് 28 ന് നിവിന്‍ റിന്നയുടെ കഴുത്തില്‍ മിന്നുകെട്ടി.
മലയാളികള്‍ക്ക് ഏറെ പ്രിയങ്കരിയായ നടിയാണ് ഹണി റോസ്.…
കുഞ്ചാക്കോ ബോബന്‍, ഫഹദ് ഫാസില്‍, ജ്യോതിര്‍മയി എന്നിവരെ…
നടന്മാരായ മുകേഷ്, ജയസൂര്യ, ഇടവേള ബാബു ഉള്‍പ്പെടെ…
ആരാധകര്‍ ഏറെ പ്രതീക്ഷയോടെ കാത്തുനില്‍ക്കുന്ന തെന്നിന്ത്യന്‍ സൂപ്പര്‍…
ബോക്സ്ഓഫീസില്‍ ഞെട്ടിക്കുന്ന കുതിപ്പുമായി കിഷ്‌കിന്ധാ കാണ്ഡം. റിലീസ്…