മലയാള സിനിമയിൽ അനുശ്രീക്ക് അവസരങ്ങൾ കുറയുന്നോ? എന്താണ് യാഥാർത്ഥ്യം!

മലയാള സിനിമയിൽ തനതായ അഭിനയശൈലി കൊണ്ടും നാടൻ വേഷങ്ങളിലൂടെയും പ്രേക്ഷകരുടെ പ്രിയങ്കരിയായി മാറിയ നടിയാണ് അനുശ്രീ. ‘ഡയമണ്ട് നെക്ലേസ്’ എന്ന ചിത്രത്തിലൂടെ അരങ്ങേറി ചുരുങ്ങിയ കാലം കൊണ്ട് മുൻനിര നായകന്മാരുടെയൊപ്പം ശ്രദ്ധേയമായ വേഷങ്ങൾ ചെയ്യാൻ താരത്തിന് സാധിച്ചിരുന്നു. എന്നാൽ അടുത്ത കാലത്തായി മലയാള സിനിമകളിൽ അനുശ്രീയുടെ സാന്നിധ്യം വളരെ കുറവാണ്. ബിഗ് സ്‌ക്രീനിൽ താരം സജീവമല്ലാത്തത് സിനിമയ്ക്കുള്ളിൽ വലിയ ചർച്ചകൾക്ക് വഴിതുറന്നിരിക്കുകയാണ്.
സിനിമയിൽ നിന്ന് ഒരു വിഭാഗം ആളുകൾ നടിയെ ബോധപൂർവ്വം മാറ്റിനിർത്തുകയാണോ അതോ കഥാപാത്രങ്ങളുടെ സ്വഭാവത്തിലുണ്ടായ മാറ്റങ്ങളുമാണോ ഇതിന് പിന്നിൽ എന്ന ചോദ്യങ്ങളാണ് ഇപ്പോൾ ഉയരുന്നത്. പുതിയ നായികമാരുടെ വരവും മലയാള സിനിമയുടെ മാറിയ ട്രെൻഡുകളും അവസരങ്ങൾ കുറയാൻ കാരണമായിട്ടുണ്ടാകാം എന്ന് വിലയിരുത്തപ്പെടുന്നു.

എന്നിരുന്നാലും സോഷ്യൽ മീഡിയയിലും ഫോട്ടോഷൂട്ടുകളിലും താരം ഇപ്പോഴും സജീവമാണ്. സിനിമകളിൽ നിന്ന് തഴയപ്പെടുകയാണോ അതോ മികച്ച കഥാപാത്രങ്ങൾക്കായുള്ള കാത്തിരിപ്പിലാണോ താരം എന്ന കാര്യത്തിൽ വ്യക്തതയില്ല.
അതേസമയം, താരത്തിന്റേതായി ഒടുവിൽ പുറത്തിറങ്ങിയ ‘തലവൻ’, ‘കഥ ഇതുവരെ’ എന്നീ ചിത്രങ്ങളിലെ വേഷങ്ങൾ ശ്രദ്ധിക്കപ്പെട്ടിരുന്നു. തുടർന്ന്, വലിയ ഇടവേളകൾക്ക് ശേഷം അനുശ്രീയുടേതായി ഒരുങ്ങുന്ന ഏറ്റവും പുതിയ ചിത്രമാണ് ‘പ്രേംപാറ്റ’. ഈ പുതിയ പ്രൊജക്ടിലൂടെ ശക്തമായൊരു തിരിച്ചുവരവ് നടത്തി അനുശ്രീ വീണ്ടും വെള്ളിത്തിരയിൽ സജീവമാകുമെന്നാണ് ആരാധകരുടെ പ്രതീക്ഷ.