കറുപ്പഴകിൽ തിളങ്ങി മീനാക്ഷിയും നമിതയും; ആരാധകരുടെ മനംകവർന്ന് നമ്മ ദേശി ഫോട്ടോഷൂട്ട്!

മലയാള സിനിമയിലെ പ്രിയ നടി നമിത പ്രമോദും ജനപ്രിയ നടൻ ദിലീപിന്റെ മകൾ മീനാക്ഷി ദിലീപും ഒന്നിച്ചുള്ള ഏറ്റവും പുതിയ ഫോട്ടോഷൂട്ട് സോഷ്യൽ മീഡിയയിൽ വൈറലാകുന്നു. ഇരുവരും അടുത്ത സുഹൃത്തുക്കളാണെന്നത് എല്ലാവർക്കും അറിയാവുന്ന കാര്യമാണെങ്കിലും, ഇത്തരത്തിൽ ഒന്നിച്ചൊരു മനോഹരമായ പ്രൊഫഷണൽ ഫോട്ടോഷൂട്ട് ഇതാദ്യമായാണ്.

നമിത പ്രമോദിന്റെ സ്വന്തം ഫാഷൻ ബ്രാൻഡായ നമ്മ ദേശിയുടെ പുതിയ കളക്ഷനു വേണ്ടിയാണ് ഈ സുഹൃത്തുക്കൾ കൈകോർത്തിരിക്കുന്നത്. സോഷ്യൽ മീഡിയയിൽ പലപ്പോഴും ഒപ്പമുള്ള ചിത്രങ്ങൾ പങ്കുവെക്കാറുണ്ടെങ്കിലും ഒരു ഔദ്യോഗിക ഫോട്ടോഷൂട്ടിനായി മീനാക്ഷിയും നമിതയും ഒന്നിക്കുന്നത് ഇതാദ്യമാണ്.

സിനിമയിലേക്ക് ഇതുവരെ എത്തിയിട്ടില്ലെങ്കിലും മീനാക്ഷിക്ക് വലിയൊരു ആരാധകവൃന്ദം തന്നെയുണ്ട്. നിലവിൽ ഡോക്ടറായി പ്രാക്ടീസ് ചെയ്യുന്ന മീനാക്ഷിയുടെ ഈ ഗംഭീര മേക്കോവർ കണ്ട് താരം ഉടൻ തന്നെ സിനിമയിലേക്ക് വരുമോ എന്ന ആകാംഷയിലാണ് ഇപ്പോൾ സിനിമാ പ്രേമികൾ.