പ്രകടനത്തിൽ ഞെട്ടിക്കാൻ ഉർവശിയും ജോജുവും; ആകാംക്ഷ നിറച്ച് ‘ആശ’ ട്രെയിലർ!

വലിയ കാത്തിരിപ്പുകൾക്ക് വിരാമമിട്ടുകൊണ്ട് ‘ആശ’ എന്ന ചിത്രത്തിന്റെ ട്രെയിലർ എത്തിക്കഴിഞ്ഞു. അഭിനയപ്രതിഭകളായ ഉർവശിയും ജോജു ജോർജും ആദ്യമായി സ്ക്രീനിൽ ഒന്നിക്കുന്ന ചിത്രം എന്ന പ്രത്യേകതയോടെയാണ് ‘ആശ’ എത്തുന്നത്. പ്രവചനാതീതമായ കഥാപാത്രങ്ങളും അസാധാരണമായ അഭിനയ മുഹൂർത്തങ്ങളും കൊണ്ട് പ്രേക്ഷകരെ ത്രസിപ്പിക്കുന്ന ഒരു സസ്പെൻസ് ത്രില്ലറായിരിക്കും ചിത്രമെന്നാണ് ട്രെയിലർ വ്യക്തമാക്കുന്നത്.

ഉർവശിയുടെ വേറിട്ട വേഷപ്പകർച്ചയും ഐശ്വര്യ ലക്ഷ്മി, വിജയരാഘവൻ, ജോയ് മാത്യു, ശാരി തുടങ്ങിയ വൻ താരനിരയും ചിത്രത്തിന്റെ മാറ്റുകൂട്ടുന്നു. മധു നീലകണ്ഠൻ ക്യാമറ ചലിപ്പിക്കുന്ന ചിത്രത്തിന്റെ എഡിറ്റിങ് നിർവഹിച്ചിരിക്കുന്നത് ഷാൻ മുഹമ്മദാണ്. മികച്ചൊരു തിയറ്റർ അനുഭവം തന്നെയാകും ‘ആശ’ സമ്മാനിക്കുകയെന്ന് ഉറപ്പാണ്.