വീണ്ടും അമ്മയായ സന്തോഷം പങ്കിട്ട് ഷംന കാസിം

ഷംന കാസിമിനും ഭര്‍ത്താവ് ഷാനിദ് ആസിഫ് അലിയ്ക്കും ഒരു മകള്‍ പിറന്നു. ‘അല്ലാഹുവിന്റെ വിലയേറിയ സമ്മാനം’ എന്ന അടിക്കുറിപ്പോടെയാണ് തങ്ങളുടെ ജീവിതത്തിലേക്ക് പുതിയൊരു? അതിഥി കൂടിയെത്തിയ സന്തോഷം ഷംനയും ഷാനിദും പങ്കുവച്ചത്.

ഇന്ന് പുലര്‍ച്ചെയാണ് ഷംന ഒരു പെണ്‍കുഞ്ഞിന് ജന്മം നല്‍കിയത്. അമ്മയും കുഞ്ഞും സുഖമായിരിക്കുന്നുവെന്നും ഷാനിദ് ഇന്‍സ്റ്റഗ്രാം കുറിപ്പില്‍ പറയുന്നു. ‘അല്ലാഹുവിന്റെ അനുഗ്രഹത്താല്‍ ഞങ്ങളുടെ കുടുംബത്തില്‍ ഇന്ന് പുലര്‍ച്ചെ 4:25ന് ഒരു പെണ്‍കുഞ്ഞ് ജനിച്ചു. അവള്‍ അല്ലാഹുവിന്റെ വിലയേറിയ സമ്മാനവും ഞങ്ങളുടെ ഹംദു മോന്റെ സ്‌നേഹ നിധിയായ സഹോദരിയുമാണ്. ഞങ്ങളുടെ കുടുംബത്തിന് ലഭിച്ച ഒരു വലിയ അനുഗ്രഹമാണിത്. സുഖ പ്രവസമായിരുന്നു. അല്ലാഹു ന കുഞ്ഞിനെയും കുടുംബത്തെ അനു?ഗ്രഹിക്കട്ടെ. പ്രാര്‍ഥനയില്‍ ഞങ്ങളെയും ചേര്‍ത്തുനിര്‍ത്തിയ എല്ലാ പ്രിയപ്പെട്ടവര്‍ക്കും പ്രത്യേകം നന്ദി,”ഷാനിദ് കുറിച്ചു.