മമ്മൂട്ടി-അടൂര്‍ ചിത്രം ആരംഭിക്കുന്നു; ശേഷം നിതീഷ് സഹദേവ്, ഖാലിദ് റഹ്‌മാന്‍ സിനിമകള്‍

മഹേഷ് നാരായണന്‍ സംവിധാനം ചെയ്യുന്ന ‘പാട്രിയോട്ട്’ പൂര്‍ത്തിയാക്കിയ മമ്മൂട്ടി ഇനി അടൂര്‍ ഗോപാലകൃഷ്ണന്‍ സംവിധാനം ചെയ്യുന്ന സിനിമയുടെ ഭാഗമാകും. ജനുവരി പകുതിയോടെ മമ്മൂട്ടി-അടൂര്‍ ചിത്രം ആരംഭിക്കുമെന്നാണ് റിപ്പോര്‍ട്ട്.

മമ്മൂട്ടി കമ്പനിയാണ് അടൂര്‍ ഗോപാലകൃഷ്ണന്‍ ചിത്രം നിര്‍മിക്കുന്നത്. തകഴിയുടെ ‘രണ്ടിടങ്ങഴി’ ആസ്പദമാക്കിയാണ് ഈ ചിത്രമെന്ന് റിപ്പോര്‍ട്ടുകളുണ്ട്. ഏതാണ്ട് ഒരു മാസം കൊണ്ട് ചിത്രീകരണം പൂര്‍ത്തിയാകും. നയന്‍താരയാണ് ഈ സിനിമയില്‍ നായികവേഷത്തില്‍ എത്തുക.

അടൂര്‍ ചിത്രം കഴിഞ്ഞ ശേഷം നിതീഷ് സഹദേവ് സംവിധാനം ചെയ്യുന്ന ബിഗ് ബജറ്റ് ചിത്രത്തിലാകും മമ്മൂട്ടി അഭിനയിക്കുക. അതിനുശേഷമായിരിക്കും ഖാലിദ് റഹ്‌മാന്‍ സംവിധാനം ചെയ്യുന്ന ക്യൂബ്‌സ് എന്റര്‍ടെയ്ന്‍മെന്റ്‌സ് സിനിമ ആരംഭിക്കുക.