വിവാഹമോചന വാര്‍ത്തകള്‍ക്ക് മറുപടിയുമായി നസ്രിയ

ആരാധകര്‍ക്ക് ഏറെ പ്രിയപ്പെട്ട നടിയാണ് നസ്രിയ. ബാലതാരമായാണ് നസ്രിയ സിനിമയിലേക്ക് എത്തിയത്. പിന്നീട് മലയാളികളുടെ ഇഷ്ട താരമായി മാറി. ‘അണ്ടേ സുന്ദരാനികി’ എന്ന ചിത്രത്തിലൂടെ നസ്രിയ തന്റെ തെലുങ്ക് അരങ്ങേറ്റം നടത്തി. അല്‍ഫോണ്‍സ് പുത്രന്‍ സംവിധാനം ചെയ്ത നേരം എന്ന സൂപ്പര്‍ഹിറ്റ് ചിത്രമാണ് നസ്രിയയെ കൂടുതല്‍ ശ്രദ്ധേയമാക്കിയത്. ഓം ശാന്തി ഓശാന, ബാംഗ്ലൂര്‍ ഡേയ്‌സ് എന്നിവയിലൂടെ നസ്രിയ ആരാധകര്‍ക്ക് പ്രിയപ്പെട്ട താരമായി.

കഴിഞ്ഞ കുറേ നാളുകളായി നസ്രിയ നസീം ആണ് ആരാധകര്‍ക്കിടയിലെ ചര്‍ച്ചാ വിഷയം. കരിയറിനപ്പുറം നടിയുടെ വ്യക്തി ജീവിതമാണ് കൂടുതല്‍ ചര്‍ച്ചയായത്. മാനസികമായി തകര്‍ന്ന അവസ്ഥയിലാണെന്നും കുറച്ച് കാലത്തേക്ക് സോഷ്യല്‍ മീഡിയയില്‍ നിന്നും മാറി നില്‍ക്കുകയാണെന്നും നസ്രിയ അറിയിച്ചപ്പോള്‍ ആരാധകര്‍ ഞെട്ടി

പെട്ടെന്ന് എന്താണ് നസ്രിയക്ക് സംഭവിച്ചതെന്ന ചോദ്യങ്ങള്‍ വന്നു. ഇന്ന് വിഷമഘട്ടം നേരിട്ട് തിരിച്ച് വന്ന് കൊണ്ടിരിക്കുകയാണ് നസ്രിയ നസിം. ഭര്‍ത്താവ് ഫഹദ് ഫാസിലിനൊപ്പമുള്ള ഫോട്ടോ നസ്രിയ സോഷ്യല്‍ മീഡിയയില്‍ പങ്കുവെച്ചിട്ടുണ്ട്. നിരവധി പേരാണ് ഫോട്ടോയ്ക്ക് കമന്റ് ചെയ്തത്. ഫഹദിനൊപ്പമുള്ള ഈ ഫോട്ടോ പല അഭ്യൂഹങ്ങളെയും ഇല്ലാതാക്കുന്നതാണ്.