ഹീറോയിന്‍ മെറ്റീരിയലല്ലെന്ന് പറഞ്ഞ് പരിഹസിച്ചു; സ്വാസിക

പ്രേക്ഷകര്‍ക്ക് ഏറെ പ്രിയങ്കരിയായ നടിയാണ് സ്വാസിക. താരത്തിന്റെ ചതുരം എന്ന ചിത്രം വലിയ വിജയം നേടി മുന്നേറിക്കൊണ്ടിരിക്കുകയാണ്. ചിത്രത്തില്‍ മികച്ച ഒരു വേഷം നല്ല രീതിയില്‍ ചെയ്യാന്‍ സ്വാസികയ്ക്ക് സാധിച്ചിട്ടുണ്ട്.

ടെലിവിഷനിലും ഏറെ സജീവമാണ് താരം. സീത എന്ന സീരിയലില്‍ നല്ല പ്രകടനം കാഴ്ചവെച്ചിരുന്നു. കൂടാതെ അമൃത ടിവിയിലെ റെഡ് കാര്‍പ്പറ്റ് എന്ന പരിപാടിയുടെ അവതാരക കൂടിയാണ് സ്വാസിക. സീരിയല്‍ താരം പ്രേമിനെയാണ് താരം വിവാഹം ചെയ്തിരിക്കുന്നത്.

സിനിമയില്‍ ചാന്‍സ് അന്വേഷിച്ച് നടന്ന കാലത്ത് ലുക്കിന്റെ പേരില്‍ സീനിയര്‍ ആര്‍ട്ടിസ്റ്റ് തന്നെ പരിഹസിച്ചിട്ടുണ്ടെന്ന് പറയുകയാണിപ്പോള്‍ സ്വാസിക. നീ ഒരു ഹീറോയിന്‍ മെറ്റീരിയലല്ലെന്നായിരുന്നു പരിഹാസമെന്നും തന്റെ നഖത്തിനെ വരെ വിമ?ര്‍ശിച്ചിരുന്നുവെന്നും സ്വാസിക പറയുന്നു. നേരത്തെ എനിക്ക് എല്ലാം പ്രശ്‌നമായിരുന്നു. സംസാരിക്കാന്‍ അറിയില്ല, ഡ്രസ്സിങ് സെന്‍സില്ല, അതില്ല മറ്റതില്ല… മുഖക്കുരുവാണ്. മുടിയില്ല, നഖമില്ല തുടങ്ങി എല്ലാം പ്രശ്‌നമായിരുന്നു. ഒരു ഹീറോയിന് വേണ്ട ഒന്നുമില്ല. മൂക്കിന് ഭംഗിയില്ലെന്ന് വരെ പലരും പറഞ്ഞിട്ടുണ്ട്. ഒരു ആര്‍ട്ടിസ്റ്റും എന്നെ വിമര്‍ശിച്ച് പറഞ്ഞിരുന്നു. ആദ്യ സിനിമ ചെയ്ത് നില്‍ക്കുന്ന സമയത്താണ് ഒരു സീനിയര്‍ ആര്‍ട്ടിസ്റ്റ് പറഞ്ഞത് നിങ്ങള്‍ ഹീറോയിന്‍ ഫെയ്‌സല്ല എന്നാണ് താരം പറയുന്നത്.