മലയാളികള്ക്ക് എക്കാലവും പ്രിയപ്പെട്ട നടനാണ് ജയറാം. 1988ല് പദ്മരാജന് സംവിധാനം ചെയ്ത അപരന് എന്ന ചലച്ചിത്രത്തില് നായകവേഷം ചെയ്തുകൊണ്ടാണ് സിനിമയില് എത്തിയത്. അതിനു മുന്പ് മിമിക്രി വേദികളിലും താരം സജീവമായിരുന്നു.
സത്യന് അന്തിക്കാട്, രാജസേനന് തുടങ്ങിയ പ്രശസ്ത മലയാളചലച്ചിത്രസംവിധായകരുടെ ധാരാളം ചിത്രങ്ങളില് ജയറാം അഭിനയിച്ചിട്ടുണ്ട്. ഇവയില് മിക്കവയും ഉന്നത വിജയം കൈവരിച്ച ചിത്രങ്ങളായിരുന്നു. വീണ്ടും ചില വീട്ടുകാര്യങ്ങള്, സന്ദേശം, മേലേപ്പറമ്പില് ആണ്വീട് തുടങ്ങിയ ചിത്രങ്ങള് ഇവയില് ചിലതു മാത്രമാണ്.
തന്റെ മരണശേഷം അവയവങ്ങള് ദാനം ചെയ്യാന് തയ്യാറാണെന്ന് പറയുകയാണ് ജയറാം. ആലുവ രാജഗിരി ആശുപത്രിയില് ആരംഭിച്ച ഫാറ്റി ലിവര് ക്ലിനിക്കിന്റെ ഉദ്ഘാടന വേദിയിലായിരുന്നു നടന്റെ പ്രഖ്യാപനം. മരണശേഷം സ്വന്തം അവയവങ്ങള് ദാനം ചെയ്യുന്നതിനും അവയവദാനത്തിന്റെ പ്രചാരകനാകാനും താന് തയ്യാറാണെന്നും അദ്ദേഹം ചടങ്ങില് വ്യക്തമാക്കി. ഭാര്യ പാര്വ്വതിയ്ക്കൊപ്പമാണ് ജയറാം ചടങ്ങില് പങ്കെടുത്തത്. മസ്തിഷ്ക മരണത്തെ തുടര്ന്നുളള അവയവദാനത്തിന്റെ പ്രാധാന്യം സമൂഹത്തില് ഉയര്ന്ന് വരണമെന്നും അദ്ദേഹം കൂട്ടിച്ചേര്ത്തു
മലയാള സിനിമയിലെ ശ്രദ്ധേയ നടിയായ ഗായത്രി ആര്.…
നടി ശ്രുതി ഹാസന് പങ്കുവെച്ച പുതിയ ഫോട്ടോഷൂട്ട്…
ശ്രീവിദ്യ മുല്ലശ്ശേരി ഭര്ത്താവ് രാഹുല് രാംചന്ദ്രനൊപ്പം പാരിസ്…
മമ്മൂട്ടി നായകനായ കറുത്ത പക്ഷികള് എന്ന ചിത്രത്തില്…