ഈ ഒന്നിക്കല്‍ ‘സാഗര്‍ ഏലിയാസ് ജാക്കി’ രണ്ടാം ഭാഗത്തിനല്ല !

വലിയൊരു ഇടവേളയ്ക്കു ശേഷം അമല്‍ നീരദും മോഹന്‍ലാലും ഒന്നിക്കുന്നതിന്റെ ത്രില്ലിലാണ് മലയാള സിനിമാ ആരാധകര്‍. മേയ് 21 നാകും ഈ പ്രൊജക്ടിനെ കുറിച്ചുള്ള ഔദ്യോഗിക പ്രഖ്യാപനം വരിക. അന്ന് മോഹന്‍ലാലിന്റെ ജന്മദിനമാണ്.

അതേസമയം മോഹന്‍ലാലും അമല്‍ നീരദും ഒന്നിക്കുന്നത് സാഗര്‍ ഏലിയാസ് ജാക്കിയുടെ രണ്ടാം ഭാഗത്തിനു വേണ്ടിയാണെന്ന് ചില പ്രചരണങ്ങള്‍ നടക്കുന്നുണ്ട്. ഇത് വാസ്തവമല്ല ! സാഗര്‍ ഏലിയാസ് ജാക്കിയുടെ രണ്ടാം ഭാഗത്തെ കുറിച്ച് അമല്‍ നീരദ് ഇപ്പോള്‍ ആലോചിക്കുന്നില്ല. മറ്റൊരു ആക്ഷന്‍ പടത്തിനു വേണ്ടിയാണ് ഇത്തവണ അമല്‍ നീരദ് മോഹന്‍ലാലിനു കൈ കൊടുക്കുന്നത്.

അതേസമയം മോഹന്‍ലാല്‍-അമല്‍ നീരദ് ചിത്രത്തിന്റെ തിരക്കഥ ആരാണെന്ന് വ്യക്തത വന്നിട്ടില്ല. സൗബിന്‍ ഷാഹിര്‍ ചിത്രത്തില്‍ മറ്റൊരു പ്രധാന വേഷം അവതരിപ്പിക്കും.