അവള്‍ പോയതിന് എന്നെ എന്തിനാണ് കുറ്റം പറയുന്നത്; മൃദുല ചോദിക്കുന്നു

സീരിയലിലൂടെ കടന്ന് വന്ന് ആരാധകരുടെ മനസില്‍ ഇടം നേടിയ താരമാണ് മൃദുല. സീരിയല്‍ താരം യുവ കൃഷ്ണയാണ് മൃദുലയുടെ ഭര്‍ത്താവ്. യുവയും ആരാധകരുടെ പ്രിയപ്പെട്ട താരമാണ്. കുഞ്ഞ് പിറന്നതോടെ താരം അഭിനയ ജീവിതത്തില്‍ നിന്നും കുറച്ച് നാള്‍ ഇടവേള എടുത്തിരുന്നു. ഇപ്പോള്‍ താരം സീരിയലില്‍ സജീവമായിക്കൊണ്ടിരിക്കുകയാണ്.

ഇപ്പോള്‍ താരത്തിന്റെ വാക്കുകളാണ് വൈറലായിരിക്കുന്നത്. മൃദുലയുടെ അനിയത്തി പാര്‍വ്വതിയും അഭിനേത്രിയാണ്. ഈയ്യടുത്താണ് പാര്‍വ്വതി വിവാഹ മോചനം നേടിയത്. പ്രണയ വിവാഹമായിരുന്നു പാര്‍വ്വതിയുടേത്. ഒളിച്ചോടിയായിരുന്നു വിവാഹം കഴിച്ചത്. ഇപ്പോഴിതാ പാര്‍വ്വതിയുടെ വിവാഹത്തെക്കുറിച്ച് സംസാരിക്കുകയാണ് മൃദുല.

അവളുടെ ഒളിച്ചോടല്‍ ഉറപ്പായും വിഷമിച്ചു. എന്റെ അച്ഛനമ്മമാരേക്കാളും ക്ലോസ് അനിയത്തിയുമായിട്ടായിരുന്നു. അനിയത്തി പോയ അന്നും ഞങ്ങള്‍ ഒരുമിച്ചാണ് കിടന്നത്. രാവിലെ നോക്കിയപ്പോള്‍ ആളെ കാണാനില്ല. അന്ന് എനിക്ക് ഷൂട്ടിന് പോകണമായിരുന്നു. 6.30യ്ക്ക് വണ്ടി വരും. രാവിലെ അഞ്ചരയ്ക്കാണ് ഞങ്ങള്‍ കാര്യം അറിയുന്നത്. ഞങ്ങളൊക്കെ വല്ലാതെ വിഷമിച്ചു. ആരുടെ കൂടെ പോയെന്ന് അറിയില്ല. എന്തായി കാര്യങ്ങള്‍ എന്നൊന്നും അറിയില്ല. പക്ഷെ ഞാന്‍ ഗിവ് അപ്പ് ചെയ്യാന്‍ തയ്യാറായില്ല” എന്നാണ് മൃദുല പറയുന്നത്.