കുറേ കാര്യങ്ങള്‍ വീട്ടുകാര്‍ക്ക് ഉറപ്പ് നല്‍കിയിട്ടാണ് അഭിനയിക്കാന്‍ വിട്ടത്: നവ്യ നായര്‍

ആരാധകര്‍ക്ക് ഏറെ പ്രിയങ്കരിയായ നടിയാണ് നവ്യ നായര്‍. ദിലീപ് നായകനായ ഇഷ്ടം എന്ന ചിത്രത്തിലൂടെയാണ് നവ്യ സിനിമയിലേക്ക് എത്തിയത്. പിന്നീട് ഒരു പിടി നല്ല കഥാപാത്രങ്ങളാണ് താരത്തെ തേടിയെത്തിയത്. കല്യാണത്തിനു ശേഷം അഭിനയത്തില്‍ നിന്നും വിട്ടുനിന്നെങ്കിലും ഇപ്പോള്‍ താരം തിരിച്ചെത്തിയിരിക്കുകയാണ്

നന്ദനത്തിലെ ബാലാമണി എന്ന കഥാപാത്രത്തെ മലയാളികള്‍ക്ക് അത്ര പെട്ടെന്ന് മറക്കാന്‍ സാധിക്കില്ല. കാരണം അത്ര മനോഹരമായ അഭിനയമായിരുന്നു നവ്യാ നായര്‍ ചിത്രത്തില്‍ കാഴ്ച വെച്ചത്. അത് മാത്രമല്ല ഓര്‍ത്തുവയ്ക്കാന്‍ വേറെയും വേറിട്ട് നില്‍ക്കുന്ന നവ്യയുടെ ഒരുപാട് കഥാപാത്രങ്ങള്‍ വേറെയുമുണ്ട്.

ഇപ്പോള്‍ തന്നെ അഭിനയിക്കാന്‍ വിട്ടതിനെക്കുറിച്ചാണ് നവ്യ പറയുന്നത്. പ്രണയിക്കില്ലെന്ന് നവ്യ മാതാപിതാക്കള്‍ക്ക് വാക്ക് കൊടുത്തിരുന്നു. പ്രണയിക്കില്ല, പഠനം മുടക്കില്ല, ഫോണ്‍ ചോദിക്കില്ല എന്നീ മൂന്ന് കാര്യങ്ങളില്‍ താന്‍ ഉറപ്പ് നല്‍കിയ ശേഷമാണ് മാതാപിതാക്കള്‍ സിനിമയില്‍ അഭിനയിക്കാന്‍ തന്നെ അനുവദിച്ചതെന്ന് നവ്യ പറയുന്നു.