‘തുടരും’ ദൃശ്യം പോലെയെന്ന് മോഹന്‍ലാല്‍

തരുണ്‍ മൂര്‍ത്തി സംവിധാനം ചെയ്യുന്ന ‘തുടരും’ ദൃശ്യം പോലെയൊരു സിനിമയാണെന്ന് മോഹന്‍ലാല്‍. ഗലാട്ടാ പ്ലസില്‍ ഭരദ്വാജ് രംഗനു നല്‍കിയ അഭിമുഖത്തില്‍ സംസാരിക്കുകയായിരുന്നു അദ്ദേഹം.

‘ തുടരും ദൃശ്യം പോലെയൊരു സിനിമയാണ്. ഏകദേശം എട്ട് വര്‍ഷമായി അതിന്റെ തിരക്കഥ തയ്യാറാക്കുന്നു. ചില പ്രശ്‌നങ്ങള്‍ ഉണ്ടായിരുന്നത് തിരുത്തിയാണ് സിനിമയിലേക്ക് എത്തിയത്. മേയില്‍ ചിത്രം റിലീസ് ചെയ്യും,’ മോഹന്‍ലാല്‍ പറഞ്ഞു.

രജപുത്ര വിഷ്വല്‍ മീഡിയയുടെ ബാനറില്‍ എം.രഞ്ജിത്താണ് ‘തുടരും’ നിര്‍മിക്കുന്നത്. ശോഭനയാണ് ചിത്രത്തില്‍ മോഹന്‍ലാലിന്റെ നായികയായി എത്തുന്നത്. സൗദി വെള്ളക്ക, ഓപ്പറേഷന്‍ ജാവ എന്നീ സിനിമകളിലൂടെ ശ്രദ്ധേയനായ സംവിധായകനാണ് തരുണ്‍ മൂര്‍ത്തി. തരുണിനൊപ്പം കെ.ആര്‍.സുനില്‍ കൂടി ചേര്‍ന്നാണ് മോഹന്‍ലാല്‍-ശോഭന ചിത്രത്തിന്റെ തിരക്കഥ.