പേളി തന്നെ ബ്ലോക്ക് ചെയ്തു, വിളിച്ചാല്‍ കിട്ടുന്നില്ലെന്ന് ആറാട്ടണ്ണന്‍

മോഹന്‍ലാല്‍ ആറാടുകയാണ് എന്ന ഒരൊറ്റ കമന്റ് കൊണ്ട് ട്രോളുകളില്‍ നിറഞ്ഞയാളാണ് സന്തോഷ് വര്‍ക്കി. പിന്നാലെ തനിക്ക് നിത്യ മേനോനെ ഇഷ്ടമാണെന്നും കല്യാണ് കഴിക്കണം എന്നു പറഞ്ഞും സന്തോഷ് വര്‍ക്കി രംഗത്ത് എത്തിയിരുന്നു.

സന്തോഷ് വര്‍ക്കിയെന്ന ആള്‍ നിരന്തരം ഇഷ്ടം പറഞ്ഞ് ശല്യപ്പെടുത്തുകയാണെന്ന് പറഞ്ഞ് നിത്യ മേനോന്‍ രംഗത്ത് വരികയും ചെയ്തിരുന്നു. ഇതോടെ കൂടുതല്‍ നടിമാരെ ഇഷ്ടമാണെന്നും സന്തോഷ് പറഞ്ഞു. പിന്നീട് സോഷ്യല്‍ മീഡിയയില്‍ പരിഹാസങ്ങളും കളിയാക്കലുകളുമൊക്കെയാണ് വൈറല്‍ താരത്തെ കാത്തിരുന്നത്.

ഇപ്പോള്‍ പേളിയെക്കുറിച്ചാണ് ആറാട്ടണ്ണന്‍ സംസാരിക്കുന്നത്. പേളി മാണി എനിക്ക് എന്റെ സഹോദരിയെപ്പോലെയാണ്. പക്ഷെ അവര്‍ എന്റെ നമ്പര്‍ ബ്ലോക്ക് ചെയ്തിരിക്കുകയാണ്. വിളിച്ചാല്‍ കിട്ടാറില്ല. ഇന്നാള് ലുലു മാളില്‍ വെച്ച് കണ്ടിരുന്നു. കൈ തന്നു. പേളി മാണി ജീവിതത്തില്‍ എനിക്ക് ഒരു സഹോദരിയെപ്പോലെയാണ് എന്നാണ് സന്തോഷ് വര്‍ക്കി പറഞ്ഞത്