സ്വയം സ്‌നേഹിക്കാന്‍ ഒറ്റയ്ക്ക് ജീവിക്കുകയാണ്: അനുശ്രീ

മലയാളികള്‍ക്ക് ഏറെ പ്രിയങ്കരിയായ നടിയാണ് അനുശ്രീ. വ്യത്യസ്തമായ വേഷങ്ങള്‍ കൊണ്ടാണ് അനുശ്രീ മലയാളികളുടെ മനസില്‍ വളരെ പെട്ടെന്ന് ശ്രദ്ധ പിടിച്ചുപറ്റിയത്.

മലയാളി തനിമയുള്ള കഥാപാത്രങ്ങളാണ് താരം മിക്ക സിനിമകളിലും കൈകാര്യം ചെയ്തത്. സിനിമയില്‍ നാടന്‍ വേഷങ്ങളാണ് കൂടുതല്‍ ചെയ്തിട്ടുള്ളതെങ്കിലും അനുശ്രീ യഥാര്‍ത്ഥത്തില്‍ വളരെ മോഡേണ്‍ ആണ്.

ഇപ്പോള്‍ തന്റെ വ്യക്തി ജീവിതത്തെക്കുറിച്ചാണ് താരം സംസാരിക്കുന്നത്. തന്റെ തന്നെ കുറച്ച് പുതിയ ഫോട്ടോകള്‍ പങ്കുവെച്ച് സ്വയം സ്‌നേഹിക്കാനുള്ള ഏറ്റവും നല്ല മാര്‍ഗം ഒറ്റയ്ക്ക് ജീവിക്കുക എന്നതാണ് എന്നാണ് അനുശ്രീ കുറിച്ചത്. സ്‌നേഹം, ജീവിതം, ഓര്‍മകള്‍, ഒറ്റയ്ക്ക് എന്നിങ്ങനെയുള്ള ഹാഷ് ടാഗുകളും ഫോട്ടോയ്ക്ക് നല്‍കിയിരുന്നു.