പൃഥ്വിരാജിന്റെ വിവാഹം വലിയ രീതിയില്‍ നടത്തിയില്ല; കാരണം പറഞ്ഞ് മല്ലിക

മലയാളികള്‍ക്ക് ഏറെ പ്രിയയങ്കരനായ നടനാണ് പൃഥ്വിരാജ്. നടന്‍ മാത്രമല്ല സംവിധായകന്‍, നായകന്‍, നിര്‍മ്മാതാവ് എന്നീ നിലകളില്‍ എല്ലാം താരം കഴിവ് തെളിയിച്ച് കഴിഞ്ഞു.

സുപ്രിയാ മേനോനെയാണ് താരം വിവാഹം ചെയ്തിരിക്കുന്നത്. ഇവര്‍ക്ക് അലംകൃത എന്നു പേരുള്ള ഒരു മകള്‍കൂടി ഉണ്ട്. പൃഥ്വിരാജിന്റെ വിവാഹം വലിയ ആര്‍ഭാടമായിട്ടായിരുന്നില്ല നടത്തിയിരിക്കുന്നത്. ഇപ്പോള്‍ അതേക്കുറിച്ച് സംസാരിക്കുകയാണ് അമ്മ മല്ലിക.

വിവാഹം നടക്കുമ്പോള്‍, വീല്‍ ചെയര്‍ ആശ്രയിച്ചു കഴിയുന്ന ചില മുത്തശ്ശിമാര്‍ സുപ്രിയയുടെ കുടുംബത്തില്‍ ഉണ്ടെന്ന കാര്യം അവരുടെ കുടുംബം നേരത്തെ ഓര്‍മപ്പെടുത്തിയിരുന്നു. അവര്‍ക്ക് കല്യാണം കൂടിയേ തീരൂ. അതിനാല്‍, വലിയ സൗകര്യങ്ങള്‍ ഉള്ള മണ്ഡപമോ മറ്റും എടുക്കുക പ്രയാസമേറിയ കാര്യമായിരുന്നു. ഒടുവില്‍ തേങ്കുറിശ്ശിയിലെ കണ്ടത്ത് തറവാട് ഹെറിറ്റേജ് സെന്റര്‍ വാടകയ്ക്ക് എടുത്ത് അവിടെ വച്ച് താലികെട്ടല്‍ ചടങ്ങ് നടത്തുകയായിരുന്നു എന്നാണ് മല്ലിക പറയുന്നത്.