ഉദയനാണ് താരം’ റീ റിലീസിങ്ങിനൊരുങ്ങുന്നു

മോഹന്‍ലാല്‍ പ്രധാന വേഷത്തില്‍ എത്തിയ ഉദയനാണ് തീരം റീ റിലീസിന് ഒരുങ്ങുന്നു. 2025 ഫെബ്രുവരിയില്‍ ചിത്രം 4K ദൃശ്യമികവോടെ തിയറ്ററുകളില്‍ എത്തുമെന്ന് അണിയറ പ്രവര്‍ത്തകര്‍ അറിയിച്ചിരിക്കുന്നത്.

മോഹന്‍ലാലിനൊപ്പം ശ്രീനിവാസനും ചിത്രത്തില്‍ പ്രധാന കഥാപാത്രത്തെ അവതരിപ്പിച്ചിരുന്നു. ശ്രീനിവാസന്റേത് തന്നെയാണ് ചിത്രത്തിന്റെ തിരക്കഥ. സിനിമയിലെ പച്ചാളം ഭാസിയെന്ന ജഗതിയുടെ കഥാപാത്രവും ഏറെ ശ്രദ്ധ നേടിയിരുന്നു.

സിനിമയില്‍ മോഹന്‍ലാലിന്റെ നായികയായി മീന എത്തിയപ്പോള്‍ മുകേഷ്, സലിംകുമാര്‍, ഇന്ദ്രന്‍സ്, ഭാവന എന്നിവരും വേഷമിട്ടിട്ടുണ്ട്. ഛായാഗ്രാഹണം നിര്‍വഹിച്ചത് എസ്. കുമാറാണ്. ഗാനരചന കൈതപ്രം നിര്‍വഹിച്ചപ്പോള്‍ പശ്ചാത്തല സംഗീതം ഔസേപ്പച്ചനും നിര്‍വഹിച്ചു.