പ്രേമിച്ച് കല്യാണം കഴിക്കില്ലെന്ന് വാക്ക് നല്‍കിയിരുന്നു: നവ്യ നായര്‍

ആരാധകര്‍ക്ക് ഏറെ പ്രിയങ്കരിയായ നടിയാണ് നവ്യ നായര്‍. ദിലീപ് നായകനായ ഇഷ്ടം എന്ന ചിത്രത്തിലൂടെയാണ് നവ്യ സിനിമയിലേക്ക് എത്തിയത്. പിന്നീട് ഒരു പിടി നല്ല കഥാപാത്രങ്ങളാണ് താരത്തെ തേടിയെത്തിയത്. കല്യാണത്തിനു ശേഷം അഭിനയത്തില്‍ നിന്നും വിട്ടുനിന്നെങ്കിലും ഇപ്പോള്‍ താരം തിരിച്ചെത്തിയിരിക്കുകയാണ്.

നന്ദനത്തിലെ ബാലാമണി എന്ന കഥാപാത്രത്തെ മലയാളികള്‍ക്ക് അത്ര പെട്ടെന്ന് മറക്കാന്‍ സാധിക്കില്ല. കാരണം അത്ര മനോഹരമായ അഭിനയമായിരുന്നു നവ്യാ നായര്‍ ചിത്രത്തില്‍ കാഴ്ച വെച്ചത്. അത് മാത്രമല്ല ഓര്‍ത്തുവയ്ക്കാന്‍ വേറെയും വേറിട്ട് നില്‍ക്കുന്ന നവ്യയുടെ ഒരുപാട് കഥാപാത്രങ്ങള്‍ വേറെയുമുണ്ട്.

ഇപ്പോള്‍ മാതാപിതാക്കള്‍ക്ക് താന്‍ കൊടുത്ത വാക്കിനെക്കുറിച്ച് സംസാരിക്കുകയാണ് താരം. പ്രേമിച്ച് കല്യാണം കഴിക്കില്ല, മൊബൈല്‍ ചോദിക്കില്ല, പഠനം നിര്‍ത്തില്ല എന്നീ മൂന്ന് കാര്യത്തില്‍ അവര്‍ക്ക് ഞാന്‍ കൊടുത്തു. അത് ഞാന്‍ പാലിച്ച് കൊടുത്തു. അത് കൊണ്ടാണ് തന്നെ അഭിനയിക്കാന്‍ അനുവദിച്ചതെന്നും നവ്യ നായര്‍ പറഞ്ഞു.